大家好!!我終於番到屋企啦!!!

屋企裝修總共花左40日，係呢40日裡，我真係渡日如年，心情一日比一日差，我而家真係要好似中學咁寫番篇文論述一番..

經過呢40日，我先發現我ge適應能力係超低....屋企開始裝修之日，就係我返對上一份新工之時，我同一時間要適應新工同埋暫住ge屋(註:暫住的地方是深水保ge舊樓，係我姑媽dun係度空置左等政府收樓)，好聽d對我黎講就係挑戰，衰d講句對我黎講係一個折磨，因為住ge地方冇得上網冇雪櫃用，變相要哂錢日日落街上網同食野，可憐地我真係接受唔到e種咁不穩定ge生活狀況，加上我對份新工不甚滿意，但礙於如果我辭左份工ge話，我留係果間屋又上唔到網搵工，又冇野食，唔知點咁，但我最終理智敵唔過感情，兩個星期後我都係辭掉了份工....

講番轉頭，其實如果我知道由通知裝修至行動係前後大概十數日，我就唔辭verify果份工住la...不過點估到咁多，辭左個份新工，經歷聖誕同新年兩個大節後，就重投於網吧搵工ge懷抱，人人係度打機我係度搵工，其實好搞笑....e個時候我煩緊3樣野，屋企環境，新工同埋女人，女人不嬲都煩開架la....原來一個人太多野煩，個人係會好混亂，有段短時間我搞到自己好迷失，唔知自己想點，日日去網吧send cv，但有人叫去見工又唔去見...好白痴，當我發覺自己煩ge野太多，我唯有放低樣野先la，果樣係女人，反正都冇咩機會架0樂...於是咪繼續搵工囉，都keep住叫做有工見，一月中又搵左份part time電話訪問做住先，但冇網上ge日子都係好麻煩

當日裝修前佢地話40日搞得掂，都算佢有口齒~用左兩三日settle down，而家有網上有雪櫃，屋企穩定番哂個心都定好多，又可以專注番搵新工，女ge野就隨緣la..冇ge話點逼都係冇...最後梗係要點番隻愛回家la~

古巨基 - 愛回家