琴晚意大利贏左，開心到6點先走去訓

訓醒又打we9...跟住出左去林士德踢波...而家d後生，真係好勁，我地真係差勁

之後搵地方食飯..25元搞掂

夜晚睇法葡之戰....有d悶

有部新機用，當然唔好浪費裝pc game ge機會啦...不過我都剩係想玩we9。所以我幾時都話唔會買ps2...剩係用黎打we好哂錢..

裝game對我來說都好有難度，話哂自己係個電腦白痴...裝左成日都玩唔到，搵梁仔問佢點樣玩到，安裝步驟看似簡單，但對我來說其實是十分複雜。

今晚睇意大利對德國，睇之前勁煲we9...成晚都係足球

意大利好波!!!偉大的左後衛

琴晚睇意大利睇到5點先訓，1點鐘俾人摷醒去遊行...冇計，老豆生日大哂，唔去唔得

咁大個仔第一次遊行，只感覺到好辛苦，曬到阿媽都唔認得...係維園企足個幾鐘先可以出發，十足戶外焗桑拿，我同家姐唔理la...出左門口即閃...去左tea叉叉電

之後周圍行左陣..之後約左kennis，c仔和他的qq去apm睇波...坐係foodcourt以為可以坐定定睇英vs葡，點知係唔得ge...超多人圍埋黎，唯有坐係張台到睇...好辛苦...坐到條腰硬哂

係人堆入面睇波真係好high..嗌到成場震哂，喉都沙埋，不過真係睇到好high，咩都抵哂。最後英格蘭再於12碼落敗，見到rio同泰利喊哂，我都好心痛

夾錢飛的返荃灣，返到屋企過隔離睇巴西對法國，施丹超癲，法國贏1球..抵贏~巴西下年再見

意大利3:0烏克蘭~~~

好開心!!!東尼終於入波!~~仲入兩球

纏繞良久的膝頭痛..終於今天走去解決了

去左中環睇骨科..半年前都睇過一次的..趁冇野做，想一次過解決

點傷唔講了...佢建議我做手術解決...只是一個很小的手術

同屋企人商量過，打算看多一個醫生....因為這位醫生說的病情，與我感受的病徵不太相附...令我有d懷疑

希望快d解決!!