今日晏周出左去同c仔+harold唱k，唱k太少ge我，都冇佢地咁唱得，仲唱得好難聽-_-...

夜晚食飯前上左harold屋企打等...佢仲幫我問佢表姐好多part time degree ge意見，多謝先~

夜晚出左去tst妹記食飯with harold，c仔and k，哇都幾好食，個鬼馬油炸鬼ok正，下次可以encore

再落諾士佛台飲野吹水，第一次試左杯long island..味道麻麻，不是太岩我，哈哈仲於知道左我想知好耐ge野

點幾鐘走，行番落mk搭小巴又各散東西了，又一天了...

今日早一粒鐘放工，因為提早少少預備出去灣仔由公司搞ge聖誕party

不過呢一兩日都冇乜停過手，都係果句..識ge野越多，越要做得多野

講番個party，人都好多下，擺到10幾圍台la，係食buffet，有d餘興節目咁，無啦啦俾人推左出去打wii比賽，食食下buffet有唱k比賽時，坐係隔離ge小明同vanessa唔知係咪飲紅酒飲到high high地，兩個女人不斷叫囂助興 -_-.....仲有首次試到咩是飽到上心口....

不過最期待都係壓軸抽獎，等成晚都係等呢一刻，因為聖誕party係公司賣大包ge時候，派錢派禮物好似倒水咁，出席ge都會有3份2人做得到幸運兒，我心諗咁高機率，應該中啦掛...點知一路抽一路抽，睇住現金獎..禮券..禮品..甚至ipod nano(屌!!係ipod nano呀，d supplier真係好豪爽)...乜都俾人抽哂..都仲未到我，我，小明，vanessa坐埋一齊瑟縮一角睇住d獎一路少一路少..真的不是味兒..因為眼見同台果d個個都抽中..我地3個就係果台ge3份1人-_-.....最無奈係，我地3個各自所屬ge department d人都抽中哂...係得我地呢3粒蒼海遺珠，好灰-_-......

今日阿cat繼續冇番..係病左...要繼續做佢d野

密集式ge工作，阿cat真係出奇地咁都頂得住...我唔熟，唯有跟阿映指示，一步一步咁做，成朝冇停過手..office裡會唔會是我最忙呢..?

忙ge感覺是很不錯的，一向很喜歡這感覺，但大前提必須要有純熟ge手腕..可惜我仲未有，結果感覺沒有，換來的是一頭煙

大把野outstanding..唯有星期1繼續，阿映再次預告自己星期一請左上午假..即係又要我自生自滅，阿cat我希望你可以回來...

放工去左同mama睇葉問，不俗ar....欣子單打得好正，我覺得全年所睇ge戲，呢套是最好睇的

今日阿cat冇番，d野俾我處理，預左情況會唔理想..因為d野我真係唔係好熟..原因係我唔係一個sales clerk...

平時我做ge野，只係幫佢地手做d文書上ge工作，你話一份合約成個流程係點樣，有好幾十個情況，我真係唔係識處理哂，sales clerk自己本身都未必識得哂，更何況我呢d唔會好似佢地咁駕輕就熟地做跟單工作，冇錯阿映係經常攞住不同ge合約係咁同我講咩情況咩進度，但我唔熟之餘又唔會親自落手去搞哂成個流程，搞到我要成日問你呢樣果樣有時唔係唔應該lor我覺得...不過話說轉頭，我記性又真係差咁d ge..成日問..連我自己都有d覺得煩...所以盡量記住..做錯左先再算la，我心諗..錯左比起成日問..會更容易記得住

背景講完，但都要硬住頭皮接手阿cat d野一日..哇發覺佢d野真係好多要處理，阿映食左佢d野大半，而我只係食左少少..已經覺得好多..佢d客d報價完全係唔知點打，唔同阿映俾我果d..經過一個上午，情況唔係唔理想..直頭是惡劣...

因為遇到d kick手野...lunch後都未搞好..但係要expect我lunch前搞掂ge野...我真係唔識點再處理..於是lunch後我俾左阿映...我就落左去reception聽電話，因為winnie要去開會，人事部搵左我落去做替工...落到黎聽下電話先發覺，之前阿映話落黎聽下電話好過係上面做野...係岩架wo，係上面打仗，同下面ge舒適，十個有9個人都揀下面la...況且聽電話真係冇咩難度，一個鐘多d ge時間好easy咁過左...

lunch一行5人去左飲茶，都係30蚊咋wo...幾抵

聽完電話繼續忙，d野都未搞好哂又話放工，唉聽日再搞了

今日冇太多野做，被逼hea住玩下filing

不過阿cat聽日放annual，交低左d野俾我做，又叫全世界有d咩野就搵我la...哇我鬼識咁多野咩..到時又係搵番阿映搞掂架姐..