今日約左kennis去書展...哇!!去左咁多年書展都係第一次有d咁強ge人潮，搭電梯都要排隊

所以今年第一次有D間封同分流措施...原本好易行ge路要兜幾個圈先行得到....

2點鐘去到...多野行ge hall1.預左多人..不過係似足信和ge明報檔攤見到陳志雲同埋李克勤...但唔係hacken宣傳..=.=但佢幫陳志雲一齊宣傳...搞笑..仲見到ck姐wo

行左一陣就轉去hall 2買左想買ge野先..因為hall 1真係多人到插針都唔入，去hall2之際見到梁文道係度up廢話sell自己本書..

係hall 2買完書又落番hall 1....逼得太耐了..已經係5點ge事..係hall 1 逼多粒鐘..買多兩本書..見到陶傑同李純恩...全日洗左2百幾蚊，去到6點就散水了..

搭船過尖咀m記食少少野就返歸了~

今日係pauline ge last day，佢請我地食雪糕~

公司之前黎左個summer intern queenie，佢仲有一個月就走..今晚請左我地上佢半山ge住宅玩..

不過成晚一半時間好hea..個個掛住食pizza+零食同坐係到唔願郁哈哈..9點半先開始玩game，最尾輸到食左幾件甜點...好飽..

今日在公司..自己的死穴被喚醒了...

近日來了一個summer job，係vicky介紹來的，叫ricky~

今晚去睇death proof....d飛車同隻抽場面真係勁過癮!!不過文戲太多=.=

成個禮拜都唔夠訓，加上琴日累爆..今日結果偷左日懶冇返工

不過返工都好過留係屋企...屋企實在好熱...

今日一大清早出去官塘同班親戚去飲茶

飲完茶冇野做，抽起條筋同細佬入左去大圍踩車...

但由於疏於運動，加上太耐冇踩，踩左一陣已經好累

以前仲可以11至7來回大圍同大尾篤面不紅氣不踹...而家踩個令鐘已經冇哂貨，累到死...

以前係享受踩吐露港，而家可以用捱黎形容...細佬就唔同..佢踩得超快，經常係好遙遠ge地方等我..

入左大埔公園終於頂唔順...踩番轉頭

成日只係踩左3個幾鐘...已經成身散哂...四肢疲憊...