嘩...成個禮拜冇打blog啦

宜家講返之前

12/5/08

朝頭早同coco&emily傾LS

Mr. Tam勁煩

我哋已經改過成6-7次,佢都唔滿意

跟住同emily去剪頭髮

首先係1個金色長髮的哥哥幫我洗頭

洗洗下佢問我係咪好耐冇剪頭髮

我無奈地答"係"

跟住佢幫我吹頭

因為嗰度太多人...冇位...so坐響旁邊的位置度吹頭

個金髮哥哥一跟幫我吹一跟響度望黎望去,睇有冇位

我仲未吹完...emily已經開始剪頭髮!!!

吹完之後等咗一陣

另一個綠3哥哥叫我去另一個位度剪頭髮

佢第1條問我的問題係"你係咪好耐冇剪頭髮"(又係呢條)"係"

"應該有1年啦係咪""係"

究竟你哋想暗示d咩?

之後佢問我點剪

我話"後面剪到胳肢窩,前面剪斜陰,跟住透薄,但唔好太碎"

跟住佢問"係咪剪到大約呢度(佢指住我胳肢窩問),斜陰由邊度開始?"

跟住我答哂佢所有既問題

跟住一路剪呀剪呀

emily已經剪完!!!

跟全emily過黎同我講話佢出去打個電話

個綠3哥哥就問我

你係唔係讀緊小學?(可能佢見到emily,so咁樣推測)

跟住我話"我讀中學啦"

佢又問"中幾""中2"

剪完之後

見到地上滿佈著我的頭髮

好心痛...我望住佢哋然後心裡同佢哋道別

跟住俾$

佢出面明明寫話$68

但係佢話$10服務"廢"

唉

比佢昆咗

雖然我d頭髮冇咗好多

但我覺得比之前好

之後我同alice,yuki去行街

我走去搵佢哋,但係哋唔認得我

佢哋話我d頭髮好直(becuz咁咁剪完頭髮)

我哋仲影咗貼紙相&"富婆相"

               富婆yuki                                                          我                                                   靚女alice

夜晚返到屋企睇新聞見到"四川大地震"

見到d人好心痛

好想捐$俾佢哋...

(俾我post咗相的靚女千其唔好介意)