8月29日

琴日分左班嚕..都去唔番3B!!

煩左好奈,火左好奈,喊左好奈..

咁當然一知到去左3A就打比D FD講啦..

去唔番3B真係唔想番學,重想轉學TIM~

琴日同好多人傾過電話..講真呀..

真係得幾個人先知我心情,其他個D都話唔好咁啦..-3-

又唔係佢地..佢地鬼明咩!一味就話唔好咁啦..

唉..開始覺得有D虛假!就咩人都唔想講野..

因為冇論同邊個伸都好啦..個個都係咁講..-V-

之後覺得好攰就訓左餐覺,訓完舒服左好多..

而且心情開始冇咁火..好平靜咁咩都唔想諗..

係到做功課!!做到2:00幾..終於搞掂左個閱讀報告-,-

一做完諗住訓覺,呀奶打比我..

同佢係到傾電話,我地兩個人傾到差唔多5:30..

原本諗住傾到眼訓,點知我呀哥係到話我..

要我比屋企電話佢講,話手提爆哂分鐘喎..

如果唔係真係可能同奶佢傾通宵,同奶佢講左好多野..

佢唔似其他人淨係識講,唔好咁啦..

因為奶佢知我驚D咩,我都知佢要煩D咩..

我地就係咁講,之後奶同我講話:{如果我地一覺得友情淡左就約出黎}

我就話:{55..好呀!!}都係呀奶明白我...

真係好鬼死憎D虛假0幾,我身邊都有幾個啦..-V-唉..

不過算啦..有呀奶講呢句放心左好多,亦都冇咁擔心..

因為我信呀奶呀嗎!佢解開左我好多心結...{多謝哂啦!}

雖然唔同班,我亦都唔知我地D友情係咪真係唔會變質!!

不過仲係可以一齊玩,一齊食下飯!約定你地嫁啦..

唔好掉低我一個呀,如果唔係唔放過你地嫁XDXD