1c嘅同學仔 ,    我真係好希望大家再係返埋一齊.

無論之前經歷過幾多 ，歡笑與淚水，幸福與悲傷，都屬於我地嘅集體回憶。

其實今次有個咁倉促嘅決定，源自MM、ET、MC… 佢地係上年歌唱比賽之前已經約定：今年希望1C能再唱多一次。

練歌係會辛苦你地，失去咗時間，特別係2C嘅同學，要走兩場。不過，如果我地可以參加，係好有意義嘅一件事。

分散各班嘅同學係同一個舞臺重聚一齊，唱一首我地花時間練過嘅歌，重要嘅唔係歌聲有幾靚，係我地可以聚埋一齊嘅機會。

你地認為1C仲可以點團聚？一級一級咁讀上去，大家識嘅朋友同學更多，哩個時候，如果唔把握機會相聚，覺得我地仲

有時間走埋一齊？好可能過多一排，你已經唔識得曾經同你度過中學第一年嘅同學了

但只不過路過見到點點頭，做一個對與我地有一面之緣嘅人打招呼嘅舉動，又有幾陌生？

我唔知當初升班你地有咩感覺，but now ,

我覺得1C慢慢分裂緊，漸行漸遠了……

        我同MM唔會勉強你地，其實我地要重組咁多位同學都好辛苦，不過都係堅持一個信念: 1C is the best.

p.s. 可能你地睇完我寫嘅嘢 , 會覺得我幼稚 , 天真 , 我地慢慢長大 , 點會咁傻去成日回憶...

       但係哩啲都係我肺腑之言 , 等到大個咗 , 就會明白到哩啲回憶係幾咁珍貴.

       就好似我地幫Ms 袁慶祝生日咁 , 俾咗一個幾咁美好嘅回憶佢=]