今日放學,我拿拿聲汁哂d野之後就番屋企,

因為要去哈囉喂,

但係我拿拿聲汁野,

左腳大脾撞到個locker俾人鎖住佢果到,

痛到出唔到聲,

條褲成條痕,

但係著長褲,睇唔到傷成點,

就忍住痛番屋企,

岩岩出校門,見到架8X,

就"gut"下"gut"下咁追,

好彩俾我追到,

番到屋企,睇下傷成點,

果到腫左,好似比蚊咬咁,

仲有少少流血,

不過都冇辦法架,

用d藍藥水加貼膠布就ok,

跟住拿拿聲食埋個牛扒意粉,

食到超飽,跟住就汁野,

汁完就換衫,

但係我都唔知著邊件好,

揀黎揀去,都係著番我最鐘意果件"手指乂"(估下係咩黎),

加"手指乂"短褲,

帶埋件"手指乂"風褸,

再加埋個"手指乂"袋,

就成身都係"手指乂",

搞到成5點先出門口去康怡(如果唔係小月迫,我就o係北角上車..........),

跟住2A同81都走哂,就搭106,

去到之後就搭99去海公

今次係我地第一次去哈囉喂,

我同洪e(奸到出汁既紅姨.........),大仙哥,小月去先,

劉衝o係海公等我地,

因為佢未買飛........

我地去到之後,

玩"戲棚驚夢"先,

紅姨俾人收左杯可樂.......

果到d人就話 : 因住杯可樂俾鬼變左尿呀!

超好笑,跟住就入去la,

一入到去,個感覺就係 : 好黑(廢話!鬼屋唔黑點叫鬼屋?)

我一開始就比第一隻鬼嚇親,

真係幾好玩,好有歷險feel,

跟住就玩"兵馬俑異域",

要戴頂探險帽,頂帽好重,

劉衝頂帽盞燈壞左..........

跟住入去,果d兵馬俑像都唔知邊d係真係假,

幾驚佢扮係假既,

原來係真人咁嚇我地,

跟住我地去玩"鬼娃工廠"

依個仲恐怖,d人扮哂係鬼娃,

原來係真既,俾d人嚇左一獲..........

跟住都差唔多7點,

我地出去等其他人,

唉,班auntie左住哂.......

講野粗d都唔得,

班auntie係唔放心自己個仔女,

就咪q俾佢去la,麻q煩!

邊有人去街同埋老豆老母去架,膠既!

跟住我地同埋班7點黎既fd同班什麼auntie上山,

先玩"迷幻空間",超暈,

係咁轉黎轉去,

d燈又係咁眨,

但係又好過癮喎,

跟住我地玩"變種瘟室"

我同劉衝,大仙哥跟住CLY小姐,

睇下佢驚成點,

玩玩下CLY小姐喊左出黎,

我地o係到笑,

好似係佢話d"花花草草"好核突,

我又覺得幾型喎,

果隻食人花十足隻大閘蟹咁,

跟住我地玩"廣昌隆謀殺案"

排左差唔多成粒鐘先有得玩,

排排下我地見到有幅野,

寫住"廣昌隆凶案"

劉衝就遮住個廣字,昌字同案字,

大家諗下會變d咩?

跟住俾什麼auntie見到,

真係痴線既,

o係班什麼auntie做埋d咁既野,

跟住終於有得玩,

原來依個係聽鬼故既,

聽聽下,突然間噴水,濕哂..........

跟住枱底果條膠線又thing黎thing去,

即刻"浪"高隻腳........

跟住我地去買野飲,

頭先唔記得o係康怡買野飲,

搞到超口渴,宜家終於有得飲,

我買左個珍寶可樂同人分,

超爽呀,可樂萬歲~~

買完之後,我地去"大豪嚇娛樂城"

超恐怖,d遊戲機無端端彈隻鬼出黎,

跟住行經張麻雀枱,

有隻鬼o係到玩麻雀,

我就話 : 十三么!正呀~~

跟住就玩"厲鬼邨"

黃煒晴叫我同劉衝,大仙哥排最前,

我地唔排,唔係我地驚,

係因為我地要跟住CLY,

睇下佢驚成點,

依條"邨"好先進,

有升降機,超型,

跟住我地行經垃圾房,

真係有勁大朕垃圾味,

果到隻鬼渣住個垃圾袋黎笠人,

佢真係慘,d垃圾味咁難頂..........

之後我地落番山玩果3個鬼屋,

因為7點黎果d未玩,

我地就玩多次,先玩戲棚,

我又比一開始果隻鬼嚇親la,搞錯!

跟住又玩鬼娃同兵馬桶,

唔知點解我地都覺得第二次入依3間鬼屋係驚d........

跟住我地就走la,

冇得同班fd搭巴士傾計.......

班auntie o係到分人搭的士,私家車,超討厭!

我覺得最驚既鬼屋係"大豪嚇娛樂城"

d"賭鬼"ok恐怖........