呢幾日心情真係糟透

我都唔知可以點講

亦都唔知可以點做好毎一個角色

我只係覺得好辛苦

本身 呢幾日追緊繼承者們

睇到ep16-18

d眼淚係咁流

btw愛我請留言

睇到第十三集就冇得睇

睇唔到

有冇人可以同我講邊度有得睇呢

唉 話說

由細到大 因為我係女仔

因為阿媽係緊張大師(我幫佢改既)

所以我就比人管得好嚴

所有事情從來都係由爸媽安排

直到大個d先可以自己揸主意

仲好記得小學個陣

阿媽大病一場 休息停工左成幾年

阿媽日日都同我溫書

有次教數學個陣因為老師未教 

我唔識

阿媽就以為學校教左

佢見我唔識 唔理三七二十一即刻鬧

又有一次

個日星期五黎 好記得

佢要我即日做曬d功課

做到十點幾都未做完

我見阿媽好似冇諗過比我訓

結果我走左去廁所訓覺

搞到阿媽好擔心 因為佢敲極門都冇人應(笑喊)

最記得次次考常識

阿媽迫我吞左本書

要記曬所以野

細個唔識得同阿媽唱反調

次次都聽佢話

結果成日都攞九十幾分

有一次仲攞99分 差一分係衰在唔識寫一隻字

到而家都仲未識(笑喊)

諗反起

雖然阿媽係嚴 要求高

而我亦成日達唔到佢既要求

但係佢都好鍚我

呢個諗法一直都而家

而家我都係覺得阿媽好鍚我

我亦好愛佢

不過有時我真係會諗埋另一邊

亦都搞到自己好唔開心

事關阿哥係我讀中二個陣就去左加拿大讀書

所以屋企得反我呢一粒女

所以爸媽管得我仲嚴

有時我係到諗

點解其他同學成日有咁多零用錢成日有得用電腦睇電視

連電話都係最新型號

點解我就係冇得睇tv冇得用電腦

電話唔比傾sms唔比send

男同學打黎屋企搵我又唔比

其實我想講 唔一定係鍾意先打過黎

普通問功課姐 又唔比

呢樣唔比個樣唔比

都唔知你地有咩係比

連阿哥響香港讀書個陣都有$200/week

點解我得$20/week

我心諗 我地屋企唔算窮

點解人地同學可以成日換袋而我冇

點解人地中三就有smart phone而我中五先有

點解我就係成日都冇得出街

逄暑假就只可以出兩次街

而且仲要係十點前反

點解一定要讀書叻

我成日都有好多個點解

我知你地係擔心我係為我好

但我有時真係會諗埋一邊

點解要咁迫我

其實都迫左咁多年

你地唔會覺得你地咁迫法

會令我愈來愈rebellious?

尤其係中二個年

成日都為呢d而鬧交

而我亦覺得好冇自由

所以個時真係有自殺既念頭

個時成日見到個窗就好想跳落去一了百了

亦都成日自殘 咁當然唔係界手啦咁痛

我都唔知點捱得過呀個時

因為你地咁

我同同學又冇話題可傾

之所以我成日唔出聲就係咁解

亦都因為朋友知道我冇得出街

而好似唔再約我

雖然呢d只係我單方面既想法

但係始終覺得係

毎次見到ig fb update見到你地post相公告天下

你地一出街

我就會好唔開心

點解你地成日可以出街 幾夜都得

點解同親我去就唔比得人知

連相都唔會post

我會係到諗 偶然姐 咁岩佢地出街先post相姐

嗯 咁樣諗 個心會好過d

實在有好多個點解

我好想怨好想搵人呻

怨我又唔知怨乜

又無理由怨爸媽 因為佢地只係為我好

搵我又唔知搵得邊個

少fd 冇計

而且你又有野煩緊 我都唔想再煩你

所以我都唔知我可以點

sometimes this house feels like a prison

that i just cant live behind

there's so many rules i got to follow

cause you cant let go

我一路係咁講 似乎講到好似爸媽係罪魁禍首

講到好似係因為爸媽既緣故

令我失去咁多童年應有既野

雖然我成日咁諗(真係好不孝)

但係你地其實真係好鍚我

我又點敢逆你地意

我只係覺得

你地愈迫我

我就愈唔想做

點解一定要成績好好好好好

點解一定要用其他人比較

你個女我冇努力過咩?

直到中五

我直頭有個諗法係唔再認真讀書

係..我似乎做左..

可能你地見我qooza講到為左dse搏到盡

同朋友之間講到自己又為左dse搏到盡

其實只係我知道我自己個心做唔到努力讀書呢樣野

先借其他人過橋

希望透過他人比反d壓力自己

但係..原來係唔得架

就算我迫自己山左mobile data又點姐

溫書又唔係既

都唔知做過咩黎

唔係自己有興趣既野我真係唔想做

亦冇心機做

所以等7月出左成績

我就會令爸媽失望

不過有時都真係忍唔到而發脾氣

呢~就前幾日炸ma

又為左我去韓國既野而嘈-.-

我而家先得個17歳

你地又一定要我考曬dse後先比我反工

零用錢亦都由此20變0

咁你地話啦 我點會有錢先得架

平時新年d利是錢又上繳

咁我何來有錢呀

又話我未識搵錢先洗錢

咁你都要比我出去搵錢先得架

又或者你以往又比零用錢我儲先得架

咩都冇 咁我邊會有錢呀大佬

而且我又冇話要洗好多

講極都唔明

講完又講解釋完又解釋

都仲係話我曬錢

呢個屋企我都有份

我有曬好多?

你夠膽講句我冇慳?

沖涼我又沖快d

冷氣又唔開暖氣又唔開

連和牛我都唔再話食鞋唔買周柏豪隻碟唔買

咁叫冇慳?

咁叫做曬你錢?

我有得出去做野我洗用你d錢?

就係永遠都唔聽我講

永遠都係你地先入為主

硬係要將你地既想法套落我到

喂 想點先

我知我都有錯

我夠有發脾氣

咁你地又有冇諗過點解我發脾氣呢?

我真係好辛苦

我唔知點樣做你地先會管得我冇咁嚴

首先朋友知我十點半前要反屋企話你地低能我一方面係好心痛

另一方面我都真係係到諗

又係wo

我都17歳

點解仲係唔比我出街?

一比又要十點半前反?

你地既關心 換來既係我要承受朋友無意既惡言

我行為好細路仔?

係既 我都認為係

我盡力盡量扮到好樂觀

唔想係你地面前

因為你地既過份保護而流露出一絲或半點既唔開心

不過 我亦都覺得係因為你地既過份保護下

先令你地仲覺得我係細路仔

我真係唔知可以做d咩去改變

亦唔想改變 因為唔想再嗌交

不過

為什麼做什麼都要顧及別人的感受

那我的感受

誰來顧及?

誰人曾照顧過我的感受 待我溫柔 吻過我傷口

sometimes its easy to get sooo frustrated

but other than taking a smile

what else can I actually do?

既然是這樣  又什麼還讓我想不開