距離上一篇日記.........
足足有成個月呢.........
主要0既原因應該係無咩時間同諗唔到打d咩好......
而今日係聖誕假ge最後一日.....
所以我想為呢段假期作一個總結~~
今年聖誕係23號開始~(果日係聖誕聯歡...)
今年ge聖誕聯歡有d特別~~就係我地班係打邊爐同燒野食......(第一次....)
當日ge表演亦出乎意料之外.....我地班拎到冠軍~~~(到依家都唔係好信.....)
接住落去ge 24~27號都係一連串ge活動.......
依家諗起都有d可怕.....打邊爐....燒野食.....唱k....睇戲......
得28號係可以真係係屋企好好咁休息.........
之後ge 29-30號就係去左紅磡ge高達世紀展覽.......
第一日係同羅祈恩去ge......果日我地都有唔同ge收獲......
我ge收獲就係一盒新出ge BB戰士模型(其實我仲有好多模型未砌...)
另一樣就係玉置成實ge cd [Make Progress]
之於點解我要係另一日去多次.......
其實係因為係果度買玉置成實ge cd會有一張拎玉置成實親筆簽名ge通行證......
就係因為有親筆簽名ge關係....所以我就係30號果日自己去多次>o<
果日真係好犀利........表演未開始..台前面就逼滿晒人........
我企ge位距離個台都有一段好大ge距離......所以唔係好睇都到台上面ge野......
[加上前面好多高人阻住.......]我只能夠慢慢等簽名會開始.......
仲記得nami果日淨係同fans玩遊戲同答問題......無唱任何歌><
其中有一個人贏左....拎獎果陣乘機用手提同nami一齊影相.....[全場哄動......]
之後幾經辛苦終於到左簽名會ge時間........
我第一時間走去排隊~~好彩去得都算快.....大約係第24個左右
到我果陣真係有d緊張.......因為可以同nami近距離見面>o<
拎完簽名之後我就好迅速咁搭車返屋企.......因為好眼訓.....[係車上面都訓左一陣]
31號除夕.....中午12點幾果陣....同家姐出東立開倉.....本來以為無咩收獲.....
不過去到先發現有唔少好野><.........就好似水星領航員[首推]
而且$100 5本......幾抵......真係無去錯..........
2點就同屋企人去天水圍體育館打羽毛球~~[浪費左唔少體力....]
跟住5點幾就去左搵鄧禮信佢地玩~~玩到倒數~~
呢個聖誕假.....應該係我咁耐以黎最忙ge聖誕~不過亦都係我最開心ge聖誕~~~~
好多謝咁多位陪我過聖誕假ge朋友~~好希望會有下一次~~
========================================================
p.s. :補番nami親筆簽名cd ge相~
 |
