今日同kaki出街...首先..當然是搭車去街街啦...

但好不幸的是我去到輕鐵站時..要搭車去同kaki約定ge地方個時...

我係輕鐵站發生左一件好樣衰ge事...我搭錯左車丫...

呢件事都好小事姐...唔緊要..但我要落車個時..轉車搭返去個時...

我部手機跌鬼左落輕鐵路《鬼》度...天丫..好黑仔...搭錯左..跌左部手機

跟住個輕鐵司機落車問我發生咩事...咁我咪講部手機跌左落鐵軌度囉...

個司機仲要我唔好落去執喎...好鬼瘀...成車D人係咁望住我..未試過咁樣衰

咁我咪係咁叫個司機快D開走架輕鐵囉...樣衰爆...佢一走我就即刻跳落去執返部手機...

算啦..呢件事我決定要忘記佢...太樣衰..講返D開心GE野先...

我同kaki去行街...我同佢都買左一塊好中國式GE布..諗住拎來整袋GE...

當然..係kaki整啦..我地行行下其間..撞到好耐冇見GE《唔玉》..

真係有成年幾冇見到佢啦..一時都唔認得..仲係佢叫我地..我地先認到佢..

發現而家周圍D朋友都好努力咁做野..我同kaki就好似好廢咁...但..我知係暫時性GE

我地都會一齊努力...跟住我地就去左睇書啦..發現左一D好想買GE書..但我地兩個都好叻丫...

都可以忍到手唔去買..真係叻左好多丫...

因為我要為2007年GE夏天...呵..諗起都開心...

希望kaki可以成功咁整到個兩個袋啦..我俾d信心你..加油..努力..一定會成功的