終於整翻好部手機啦

聽日要烹飪考試,重要整我最唔鍾意的7頭餅,唔知得唔得,所以我要加油加油~!!!

好唔開心呀~!我琴晚手多整到部手機壞左,搞到今日冇手機用
各位朋友,而家唔好打我手機住,如果我整翻好部手機會搵翻你地
thx~

今日係3月14日白色情人節,我約左我愛的人+幾個朋友去沙田睇戲
1點幾個陣,我地幾個搭403a去沙田,我同個女仔坐埋一齊,因為等fd,所以到左沙田都已經3點了,我地原本計劃左睇2點10個字個埸[龍珠],但都已經3點啦,所以我地去買4點半既[保衛奇俠]戲飛,之後我地就去左食m記,我地買左m記之後就去左沙田廣場附近既公園到食,食完m記之後,我就同個女仔開始拖手仔啦^^因為重有幾個字先入場睇戲,所以我就同個女仔慢遊商場,行商場個陣我同個女仔有講有笑,我個幾個fd都話我重色輕友,又話好妒忌我地,自己都要搵翻個咁話= =''
入場個陣,我地見到好多外國人;因為我扮有錢,話請個女仔睇戲,所以搞到入場個陣冇錢買爆谷食><入到場睇[保衛奇俠],有班外國小朋友係咁係到嘈嘈嘈,煩到死咁左住我睇戲
最後差唔多完場個陣,我同個女仔kiss左好多次,雖然好正,但我極度強烈提議大家唔好睇[保衛奇俠],我同個女仔加埋我d fd都話套戲悶到抽筋,我個fd睇到一半已經訓著左了,我就一直同個女仔傾計,套野我就真係完全唔知佢想講咩,同埋好多色情成分,搞到我差d扯掑,睇完套戲,我地搭403翻石離送個女仔翻屋企,送到佢上樓我就自己翻屋企了
今日雖然好悶但可以同個女仔kiss,我都算成功了吧^^

  今日上英文堂果陣,全級都以為我同佢有野的緋聞女友黃xx冇啦啦走左入黎我個班,搞到全班起哄,個個都係咁係到wow~~~佢面都紅曬咁係到笑,我就真係比班人搞到o曬嘴,唔知點做好.....午間活動既時候,我地全級都要落4樓聽野,我同幾個同學遲左落黎,咁啱我個班d位唔夠坐,被迫去左個緋聞女友個班到,佢個班d人個個都係到陰陰嘴咁笑,都痴痴地既佢地= =''死都要話我同佢拍拖,我就勁無奈囉唔該,我只係有一次玩誠實大擔輪左要講我鍾意佢啫,咁就彈個緋聞女友出黎啦><7點個陣,個緋聞女友打黎,我問佢咩事,佢話想同我傾下計,咁我未陪佢傾左陣,先知道原來佢已經有鍾意既人,而冇鍾意過我,我聽到都有小小開心既,因為唔洗再比d人講^^(雖然我都有小小鍾意佢)