| «‹ December 2014 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | 31 | |
|
2009 年 9 月 20 日 星期日  |
| 路過的,你鬧得岩 |
分類: 未分類 |
你可以話我有點自私
我真係想為自己建立一條好ge出路
不過我都想講
1,a maths如果出面可以以自修生報的話,我一定唔會咁失望
(自修生條件:1,年滿18歲 2,考過一次會考 3,唔可以一次以學校名義又以自修生名義報會考)
我一樣條件都符合唔到
當然只好要學校報
我都知我可能影響學校成績
不過,既然連老師都推薦我
姐係證明我有機會(唔係話我好掂)
點解唔可以比一次機會我?
學校,顧名思義就係要人學習ge地方
唔應該係一個用學生黎賺錢ge工具
教職員應該盡力幫助學生,比機會佢地學習
講真,我覺得你認同放棄我,你先真係有問題
邊有人好似你咁衰係度潑人冷水
2.我讀a maths唔係要威比人睇,
知唔知道我睇到你話我只係想威,我真係好嬲
同你講,我讀a maths係因為想中六中七讀pure,apply
我想搵條數學路行
因為我知e個先係我應該行ge路
唔好咁無知!!我如果要威,我洗唔洗一定要用會考黎威!?
你可能話,中六中七你又自修pure,apply咪得lo
不如你試下咁做ge味道
a maths已經難
何況係e兩科
唔單只咁,我仲有其他科要理
唔係話要自修就自修咁易
依你岩岩所講,我係可以搵其他科
問題係岩唔岩我,你話bio,我係完全冇興趣
真係,如果讀落去,姐係比痛苦自己
所以,我只好揀e 2科,
我對e 2科真係有好大興趣,
如果可以a maths唔考會考就可以有資格修e 2科,我唔考都冇所謂
問題係e家要有證明
我唔考會考,邊度有證明?
3.我係想上大學,不過我唔想夠分就算
我真係想學到我想學,應學ge知識
而pure,apply正是我想而且應該要學到ge知識
我唔想失去佢地
5.唔好話我無知
我爭取自己ge未來,點解唔得?!
我ge未來,係由我自己創出黎
邊度好似你咁,亂讀,讀到夠分中六,之後大學
我唔要e d!我要ge係自己ge夢想
要ge係自己想要ge前途
同你講,我好唔鍾意得過且過
我係一個好有目標ge人
e家ge目標,就係有條數學出路,
將來做個精通數學ge數學老師
你可能話我唔識唸,
不過,我只會堅持
繼續向目標進發
4,至於anson方面,
我仍然覺得佢應該出一分綿力,幫一d真係有心讀書ge人
而我,自問真係努力左好多
我唔係要威,
雖然我一向都比較串
又好似玩玩下,低低能能,kai下kai下咁
不過..............我真係好想讀好書,事業有成,夢想實現
既然有個咁有心ge學生,
何樂而不為呢?
相信如果你係我,你都希望學校會幫一個品學兼優ge學生
我想講ge係咁多,不過我真係好想知你係邊個
對我真係好有偏見........
而肯鬧我ge,我唸都只有幾個
不過我都知你大機會唔會講...
希望唔好比我估中啦
p.s.可唔可以話我知suck點解?
|
|
|
路過的 於 2009-09-22 07:22 PM 發表：
原來所謂道歉都可以咁串
well, 我冇野好講
你覺得你讀唔讀amath係要同人地交待既...
哦.
|
網主回覆
我已經滿足哂你三個願望= =
都仲有野要話我.....
點都好,講多句SORRY
我同你講我a maths ge情況係唔想你再話我有得修
怕又激嬲你姐
p.s.從你語氣,我已經知你係邊個... Posted at 2009-09-23 08:25 PM [ 編輯 ] [ 刪除 ] |
|
|
路過的 於 2009-09-21 05:20 PM 發表：
唉,,
唔知你知唔知
又可能係我搞錯
出面大把名校都只係可以比人報9科
well第10科點黎?
真係佢地自己報
再者, 好, 你讀amath唔係想威
但係基於上我上面所講, 真係可以自己報
咁你考得好一樣可以讀pure apply
no problem
then, 你有你自己既夢想
你去追求夢想冇人可以阻止你
只係你話亂讀可以夠分...唔知你咩意思la
不過係你追求夢想之前可唔可以諗下實際
一個人實現到自己夢想而受人尊敬係因為佢靠自己既力量
但係你...比人既感覺係, 你因為人地唔幫你而唔去實踐lo
如果你一定會堅持去做, well, anson比唔比你報有咩關係呢?
除非你比我講中, 你真係只係想乘學校之便
跟住, anson既工作你似乎仲未搞得清楚
老師係教書既, 校長係管理學校既, 社工先係關心學生既
一個老師關心學生會比人話好老師, 係因為佢自己教書既工作已經做好
同樣
校長為左學校利益, 一d都冇錯wo, 關心學生只係額外而非本份
如果個個有心述就比佢有例外, 咁中三分班試有咩用?
所以, 而家冇得讀係你自己責任
邊個叫你中三唔好好讀入amath班
而家黎賴anson?唔好玩la老細
講返老師推薦, so what?
講真果句, 老師推薦你地係單睇一科amath
但係anson睇既係你整體成績
如果因為一科額外既amath而令你地本身未係好好既主修科少左時間
佢既擔心唔係冇道理
你自己都話你仲有其他科要修la?
咁你其他科冇一個好好好既成績出黎, 憑咩要人比你修多科報多科?
仲有, 呢個世界好講公平, 雖然一d都唔公平
人地中三果年捱生捱死入左amath班有amath讀
你中三hea過左入唔到amath都有amath讀
人地會好嬲你知唔知?
你下下都話"我覺得"
你有冇諗過人地點覺得
自私呀你真係自私
你果句"相信如果你係我,你都希望學校會幫一個品學兼優ge學生"
話自己係品學兼優既人一定係講大話
因為你一d都唔謙虛, 何來有品?
況且, 你真係學都優咩? suck都唔識證明左你eng唔好得好邊
"諗"同"唸"雖然唔係常用字但係人地講完你你仲係用緊"唸"
好心比comment你希望你唔好用d咁既眼光去批評人
well, 你一d都唔納善言, 話呢d係偏見
真係偏見咩?其實好客觀
只係人地廢事話你, 唔知點話你咋
我有邊一句鬧你?我同你議論, 我提出我既證據+想法
如果有邊句我係直接鬧你, 而又係好無理既
well我係到同你講sorry
任何人對你既人生都冇責任, 父母都係一樣
人地唔幫你實現夢想你唔可以賴, 義工唔係義務
你都識講夢想未來由你自己創, 而家.....
如果全校千幾日都拎住夢想呢張牌同anson講
好笑lo, 有一日某人既夢想係唔洗讀書一世都可以唔洗愁
anson就要供養佢?哼
你將人地對你好當成一個義務, 應份, 理所當然既
就算今次你真係比你搞掂左, 你出到社會一樣好難生存
呢個世界, 冇"應該"
人地唔幫你你就覺得要放棄唔去做..你既夢想都好虛無lo
好la你話我好衰
但係我要鬧人我簡單一句粗口就夠
"你收皮la"之類人地都有講
果d唔叫潑冷水?
即係我哂咁多時間打咁大篇野出黎都唔知為乜
唉
ps.你好多句子我唔明你up緊乜
我係邊個你唔需要理, 因為你連我為左咩係到講野都唔知
|
網主回覆
其實,我琴日見過anson
同佢講過e個問題
我都決定左以後唔再搵a maths ge學位
我e家只當a maths係我ge興趣
問題原來出係我度
因為我中英文唔夠勁,
但係我已經好盡力,
中三都係好低分
我明白中英文低分,我已經冇權追求
唉......天生冇天分,就注定我命運
我唔會再埋怨任何人
我e家只會埋怨自己,
盡左好多力都攪唔好中英文
又冇e一方面ge天分
所以我冇權發展數學方面
原來,i am really suck!
你都係唔想我堅持姐,好,我放棄.....
我唔會再諗住讀a maths去激嬲你地喇!
講番我話我品學兼優
講聲sorry,我真係唔知你對e個詞語有咩定義
如果你覺得我真係不符合就接受我道歉啦
我冇辦法做到全級第一,唔可以叫成績優良,sorry呀,用錯左字
我係性格上有問題,就唔係一個守規舉,行為良好ge學生,哦......我明喇
再講多次,對唔住呀!! Posted at 2009-09-22 06:42 PM [ 編輯 ] [ 刪除 ] |
|
