哈哈....琴日一大早見到好大霧

就知體育堂可以打乒乓球喇!!!

好開心!!

所以破例帶左自己塊私家板

英文堂,

做卷果陣我望羅峻堯果份卷果陣

係度大聲講:望咩呀,唔識做牙?我教你丫嘛

攪到全班都笑

之後落411

佢話要做suggestion喎~

suggest下海洋公園可以加d咩

我就寫左加個游泳池,之後攪個show,叫工作人員同鯊魚游水

e個我相信會吸引好多人睇

正!

之後體育堂,

真係上乒乓球

上堂之前比人屈做單手掌上壓

做到10下炸......

有d人好似做到幾千下唔停= =

勁!

跟住上堂果陣

張sir講關於復活假後上ge游水堂

佢講左一句:要準備你地d鯊魚裝啦

擺明串我= =

之後打乒乓球,可惜只打左幾場

之後都如常,冇咩特別野

講番a maths

今星期學左2課喇

仲有5課要追呀!!!

復活節假後測驗,加油!!!

點解我咁講呢?

唉.....

最近d成績真係好差

數學小測得7.5/20

英文作文又得9.5/30

bio得14/30

人地大把20幾,我就得14,唉........

勁唔開心

我覺得我冇可能咁廢lo

近排都算開心左好多

冇咩人蝦我喇

又出乎意料地有大把人同我一齊自修a maths

最可惜就係要追超多課

好辛苦

希望之後會有成果啦

實在太羨慕張百

我真係成日都好忙

冇時間打blog

不過有一個人,我真係要多謝佢

係佢令到我忙裡抽空打blog

不過我唔講邊個

e排都真係好唔開心

自從考完試之後就有好多不如意ge事發生

調左位之後,冇一日係可以留心聽書

坐係我周圍果d人大部分都好鍾意玩

成日影響我

仲有,我坐左e個位之後都唔知唔開心過幾多次

成日比人玩

比人蝦

唉.............

我點解成日比人蝦呀?

你估我唔知咩

我好蝦丫嘛,我唔識發嬲嘛,我冇危險性嘛

我有咩問題?

你估我真係人緣唔好牙?

我唔受人歡迎,點解呀?

因為我唔識做衰野

好似唔係同伙咁

所以我d fd就一定係一d唔蝦人,讀書,同埋上堂唔做其他野(尤其係衰野)ge人

點解我無啦啦講e d野呢?

因為今日我又比人蝦喇

話說phy堂果陣,林學文係咁話我煩住老師

之後又唔知話我d咩

我就用紙叫一位同學叫林學文咪煩我

點知張紙比佢拎左

我已經好激氣嫁喇

我都算喇

佢仲要同我講佢拎左

仲整埋個衰樣

真係勁想打佢

好啦,我忍,我唔聽

點知,小息佢又走黎煩

我唸住走開唔理佢啦

點知佢仲游說其他人玩我

我想走開,但又驚佢拎我野

唯有忍,但我之後終於忍唔住打左佢2下

唉......我好後悔

因為打左佢之後仲煩

上堂就成日話好痛

其實就一d都唔痛

唉.....

好彩之後都忍到佢

其實真係好似打仗咁,好辛苦

我相信旁觀者只會覺得我有問題而林學文冇

點解d人幫佢呀?

又係果句:好玩

因為我成日記住,我越嬲,就越好玩

又記住喊就做cry baby

所以我先忍到冇喊

我真係唔知點算

點解我又唔話比老師知呀?

一來,比人笑

二來,老師一定會唔理

就算係言語上欺凌

都冇可能理

三來,講左的話,老師只會話我打佢唔岩,佢療我就冇問題

唉.....

唔通,做好人真係難?

如果掉左位,效果會點呢?

我相信當我調走左

佢地上堂果陣就算冇野玩,都冇可能攪到我

點解呀?

因為上緊堂唔可以出位lo!

到小息,佢地緊係走去玩啦,仲玩我咩

到時我一定集中精神好多lo!

一來成績一定好

二來心情都會好好多

唉.....

希望我e個夢想實現啦

e家先調左位一個月炸

仲有排我挨.......

終於放假喇!!

今個假係有史以來最少功課ge!!

又可以玩lu~~

如果想要數學假期功課ge答案

cm比我

今日係健康檢查

比佢check,佢check到我條脊骨有少少彎左

又去影相

之後好似又有唔對路

又要去照x光

好似好大件事咁

真係嚇死我

見到張x光片

真係彎左d

唉.......

攪左3個鐘先走得呀!

之後回家