今日一早就起身啦~
本來想7點就起身架~不過搞搞下7:15先起到身
7點半出門日口去拎蛋糕~8點去到芝樓下
打電話上去搵佢啦~點知佢仲訓緊=.=
激到我閙佢....都唔算閙ge..話下佢咁啦
之後有人出來...我咪閃左上去囉
我到左佢門口啦~~行左6層啦
佢都仲未出到佢門口=口=
咁我地放低晒d野就出左去買零食
買左2枝1.5公升ge汽水啦~同幾包薯片
之后時間仲早~我地未開始煮
芝媽咪係咁話芝又唔收拾野~買d衫返來又唔著
房又亂.......仲敢係屋企開生日會=w=
佢仲話芝唔溫書~~我同佢講我都係咁
我地都係掛住玩電腦ge人~kaka
之後芝媽咪幫我地整雞翼~我地就整其他野
搞好晒之後~~阿芝去左接寶同喬
佢地來到之後~芝媽咪又幫我去開門
佢地一入來我就唱生日歌啦^^
喬好驚喜我會出現~全靠芝媽咪幫手咋
總算有一年比到驚喜喬啦~kaka
不過太多野食~~~我地最終都係食唔晒d野
之後本來係想返家去玩電腦架
不過喬話想去商務睇下~咁我地又齊娃娃咁去啦
行行下身我地一個腳痛~一個頭痛~一個頭暈
得芝一個行得好開心=v=
之後我地走啦~我就入左地鐵站拎西餅
東海堂d蛋糕靚過美心好多~我拎晒2間^^
今日食左好多野~今晚冇食7點幾就訓左^^ | 
