今日有靚女問我路，
搞到我興奮又糊塗。
話說放學歸家途中，
考慮緊去唔去買Notebook，
一方面自己需要，
但另一方面唔想行咁遠。
結果決定左去買，
而呢個決定非常正確，
因為......
行到去安定個陣，
有一個好靚ge女仔迎面而來，
我真係忍唔住要望多兩眼，
點知個女仔行過黎，
禮貌而溫柔咁問我陳瑞芝點去。
我當時望住佢，
竟然冇留意佢問乜，
「下」左一聲，
佢又再問多一次，
於是我指左陳瑞芝比佢睇。
其實我幾想帶佢去，
幾想同佢講多陣野。
最後好唔捨得咁同佢講左聲ByeBye......
原本有一股衝動想兜第二條路去陳瑞芝，
睇下可唔可以撞見佢多一次，
可惜我要盡快番到屋企，
所以呢個計畫只係泡影......
又靚又溫柔，
第一次見就能夠令我心跳加速ge女仔，
真係首次撞見。
既然未能夠認識到，
就任由佢成為一段美好ge回憶啦。
P.S.比起其他女仔，
佢比我ge第一印象，
係最好ge。
相信有d人睇完呢篇呢之後，
可能會好想打我......
補充一點，
我鍾意ge仍然係某某。
|
