一早起身以為隻貓失蹤左，

全家人周圍搵，

正以為佢跌左落街，

想落街搵個陣，

呀爸發現佢係我房一個櫃後面，

嚇死我......

下晝去左潘加間教會幫手教人做Drama，

帶埋隻貓去，

因為夜晚會去呀婆屋企~

去到呀婆個度，

搵到間寵物店，

掃左好多貨，

全部都要自己出錢>.<

發覺隻貓好跟我，

成日係我做緊功課個陣，

走黎舔我......

仲成日跟出跟入~

今朝番左學校練敬拜，

入左新ge一組敬拜隊，

唔係講笑，

我覺得而加呢組超勁！

走Choir路線，

練個陣勁大聲，

縱使未齊人，

仲有佢地唱和音真係勁屈機......

下晝尼團每組都要表演一樣野，

老實講，

都幾頹廢......

尼團完左，

去新虛買定d野準備養貓~

之後番屋企食飯加睇碟，

然後執好間房~

(其實最後只係執空左四分之一張床)

十點小欣子打黎，

好野，

有得拎貓lu XP

幫隻貓沖完涼，

同佢玩到一點，

本黎想訓，

但興奮過頭，

兩點先入睡......

今日班排冠軍戰，

贏左，

不過Deuce到二十分......

所以都可以話係靠少少運氣~

之後下晝綜藝表演，

但係講真，

冇乜氣氛......

(唔小心押韻左添)

夜晚級社BBQ，

去芭堤雅，

勁抵，

每位$25，

因為得三十幾個人，

資助自然每人分得多d啦 XD

本黎今日個胃都仲有d唔舒服，

但奇蹟地BBQ完之後舒服晒......

今朝早番學，

覺得有少少唔舒服，

有d頭暈同想嘔ge感覺......

中化Open Book測西潮，

但係好唔舒服，

所以放棄左，

用左好多時間黎休息~

Lunch要打班排，

頂硬上，

結果好好彩贏左，

但係就變到勁唔舒服~

因此冇上到一堂U.E.，

第一次係上堂時候去醫療室休息......

放學Prefect要開會，

提早左退席，

去完定福拎野之後番屋企，

食藥之後訓左陣，

但醒番發燒三十八點幾度，

不過跟住慢慢退燒......

可惜個胃都係好唔舒服，

呀媽叫我申兩隻手指入喉嚨，

結果我嘔左出黎，

但舒服左好多~

晚餐食粥，

但係食完過左陣又覺得反胃，

所以再嘔過，

等於咩都冇食過......

唉~

聽日咁多野搞，

希望唔會有事啦......

今日離開學校個陣有人玩野，

同我講：「暈左記住Call我~」

今日Lunch又打班排，

超險，

打左三局，

最後個局緊贏兩分......

今日大家都好似不在狀態，

而我都開失左幾球，

主要原因係飄過頭，

飄左出界，

之前個兩場又唔見個波咁飄=.=

有一球我殺波殺中人，

以為KO左人地，

點知比佢救得番，

但我背住左對手，

所以被人KO番轉頭，

呢球真係輸得樣衰~

跟住又有一球，

我同樣殺中人，

之後個波竟然彈番過我地場，

眼見第一傳同第二傳都衰左，

個波飛緊黎我度，

於是我亂咁用上手托左一托，

又比我過到網，

得埋分添，

大家都死好命......

講真，

打緊波個陣，

d人係咁嘈住晒，

勁不爽，

打氣都還可以，

但係想講野激我地都係算罷啦~

總之今場贏得驚險刺激......

換衫個陣，

對方個班一個男仔過黎同我握手，

呢d先係人嘛......

打波最緊要有球品~

下晝去左工展會表演，

勁樣衰，

不過算啦......

搭車番學校個陣，

我一時興起講左句野，

就搞到車入面ge其餘五人全部笑晒......

(包括司機同周Sir)

勁 XD

今日扭蛋扭左條呀Jack手飾，

幾靚，

而"蛋殼"係螢光ga......

唉~

本黎以為今日就有得拎隻貓番屋企，

點知個人唔係屋企，

所以冇得去拎，

都唔知要等到幾時>.<

我已經比貓沖昏左頭腦......