今日睇顧顧推介的《給最愛的情書》﹙P.S. I Love You﹚
我以為我會似顧顧那樣睇完會喊到收唔到聲但我冇喊到,只是感動
因為故仔講男主角生腦瘤死咗
留低女主角一個追憶種種往事
而男主角係死之前原來已經做好晒安排
仲寫定十二封信，幫太太度過呢段傷痛日子，重新振作
成套戲都幾感動，因為兩口子真係好愛對方
而男主角為太太所做一切
證明咗佢幾咁了解、關心同愛佢嘅另一半
但係套戲嘅主調一啲都唔悲痛，反而好輕鬆
戲入面充斥住女主角的甜蜜回憶，男主角病同死就一啲都冇提
連個追思會都吾會愁雲慘霧，反而係輕輕鬆鬆
可能係西片嘅關係啦，中國人拍呢啲題材十成九係文藝大悲劇

 睇完呢套戲，你會更加珍惜身邊人，更加善用係埋一齊嘅一分一秒
我最有共鳴嘅位係女主角見到一對老夫婦，非常羨慕
表示咩嘢都可以唔要，可以同最愛白頭偕老先係最甜蜜同幸福嘅事
其實兩個人嘅相處，絕對係各適其適
轟轟烈烈、感天動地、平平淡淡、激情澎湃，各有各不同
唔使羨慕人地，更加唔使要改變自己同對方
行得埋一齊，就係緣份
都係老土話句：「珍惜身邊人﹗」
因為你永遠唔知自己幾時要走，戲入面嘅男主角都係三十五歲喳﹗

P.S就快考試啦!加油!