今日好唔開心，原本以為remy會陪我去台灣玩…點知佢今日同我講要去上海睇朋友既畢業典禮呀…不過算啦！我唔會怪佢…因為佢話下次一定要陪我去既…我而家仲十五十六呀…因為唔知返工好定係去旅行好呀？不過又好似衰咁，唔做野去旅行…覺得好對phoebe唔住，因為我一離開呢間公司，最慘既會係佢囉…感到自己真係好衰呀！
不過，到放工都開心番d呀…因為原本以為要自己一個吃午餐呀…點知放工撞啱同小jonathan一齊走，佢話陪我食午飯呀…仲傾一陣，呢個朋友係公司同我friend既之一個，都好…食完果陣，佢仲話要請我呀！因為我之前嬲佢，話佢欺騙我呀…因為我地原本一齊約好左離呢間公司呀…點知佢話俾我聽，傾好左4月中先走呀！當時我不知幾嬲，因為得番我一個做衰人呀…所以佢話今餐要請番我呀！不過我又點會咁小氣丫，你都係留我走個日先請我啦！到時我先食番你一餐金既，不過都唔知到時有幾多人同我食飯呀！因為到果日要盤點呀！所以諗起都有點唔開心既…不過唔介意啦…朋友在心中丫嘛…
最近發覺自己對某個同事真係唔係咁鍾意呀…我入黎呢間公司咁耐，佢已經放左好多假嫁啦…佢仲話佢仲有7日假，真係好唔開心呀…點解佢可以有咁多假放嫁…所以我走既原因其實都係因為佢囉！可能同佢真係唔係咁適合做同事，佢呀成日大聲話人，其實我真係好唔鍾意d咁既人呀！同埋好工作上又有d唔夾呢！其實都係我自己諗埋一邊啫，不過我最近成日都同自己講要早d離開呢間公司，可能真係過唔到自己個關呀！雖然之前有搵過phoebe食飯傾過，都有放棄過呢個念頭，但係而家都係搵左第二個藉口黎辭職，都係想人覺得我衰d，唔係人地會感覺到我係因為佢而走呀！雖然有d人係知囉，但我都要同佢講我係因為第間公司請我呀…雖然真係有第二間公司請我囉！但係最近個個都同我講果到真係好低人工，唔應該去果度做，不過都係到28號先算啦…
返到屋企，男朋友都覺得我應該去下旅行囉…散下心呀…先再做野…因為佢話我要放開哂d唔開心既野先去搵野做囉！我而家真係俾佢地攪到我個心十五十六呀…但係呀，雖然佢咁講，但佢又陪我去，真係衰呀！ |
