" 情信 " 相信已經冇咩人會用。

但係偏偏我地學校就有一個人用。

世上果然係咩人都有啊!!

當我聽到有人話 A小姐 先係真正寫情信ge人 ,

我ge第一個反應係問 , 係唸

依家咩年代啊??  仲有人用情信ge咩??

當然 , 答我ge人全部都一致咁答

" 唔知 "

講真啊!! 我覺得A小姐好可愛架!!

本身我淨想知佢係點係冇人知ge情況下送出去架!!

但係竟然都知道lo!!  貪心d ,

知下個內容算唔算過份呢??

但係我地太興奮啦 , 又冇唸後果!!

結果搞到全班都知。

就連班主任都知啦!!

我覺得自己好衰啊!!

做左個大衰人喎!!

唔知佢會唔會恨我呢??

對唔住啊 , 我冇心架!!

不過我覺得最過份ge係 ,

個 莫生 同福仔 , 仲有劉XX

我地都已經盡量阻止其他人睇ge啦!!

個男主角竟然話可以俾晒佢地睇喎!!

仲話睇就丟左封信。

雖然佢講果陣 , A小姐唔係度。

不過佢咁講會唔會太過份呢??

A小姐只係想表達佢自己ge心意啫!!

唔通咁都有錯??

福仔 竟然特登係A小姐ge面前折開封信黎睇。

仲講 , 要咁先可以令佢心死喎!!

我同 (馮運桔) 都覺得佢講得太過份啦!!

果陣 , A小姐仲係度架!!  好過份啊!!

劉XX 仲要加多句 ,

撕左封信佢啦!!

真係太過份啦!!  佢地點可以咁講架!!

當我再望下A小姐 , 佢塊面好白好白啊!!

我好怒佢地啊!!  我地仲嘈左一陣tim!!

我地都好衰啊!!

(婉婷) 話我地唔衰都衰左囉!!

怪自己 , 怪人地都冇用!!

不如唸下點補救好過啦!!

(vin神) 仲話 , 感情係兩個人之間ge事 ,

一旦由第三者解決 , 事情就會變得好糟!!

我覺得佢講得好岩啊!!

呢件事 , 不應該由我地去幫男主角say no!!

當然 , 或者有人會覺得 ,

竟然A小姐寫得出 ,

就遇左會俾人知架啦!!

不過我好佩服佢架!!

我明白佢ge感受架!! 因為我都試過。

當年我暗戀 嘉明叔叔 果陣 ,

我只係想話俾我信任ge人聽 ,

並唔想俾全世界知 , 特別係佢!!

但係最後都通天 , 我唸佢ge心情就同我果陣一樣。

我講唔出果種係咩心情 , 不過真係不好受架!!

我唸佢ge心情一定比我仲難受 ,

起碼當時並冇人黎諷刺我啊!!

最多只係問我點解中2佢!!

但係佢地真係講得好過份啊!!

不過唔緊要 , 因為我地已經唸到補救ge方辦啦!!

就係扮唔知!!  同 (珊珊) 一起左咁耐 ,

要扮無知 , 易過借火啦!!