本來今日係一個完美ge日子 ,

所有問題都好快解決 ,

又冇俾人罵喎!!

仲好開心tim!!

時間亦過得好快 ,

係不知不覺間 ,

已經過左第5堂啦!!

赤影 要去比賽 ,

雖然感覺有d空虛 ,

但係睇在時間過得快ge份上 ,

就算再空虛就唔驚啦!!

食完lunch仲好玩 ,

本來天好光架!!

同 (喂喂) 傾左兩句之後 ,

竟然黑都冇人有喎!!

雖然天黑左 , 但係比我ge感覺 ,

竟然係開心 , 快樂。

而且仲有一種神秘ge感覺 ,

同一般天黑ge感覺完全唔同。

再過左冇久 , 就落起大雨黎啦!!

突然 , 我真係好開心 ,

感覺好high啊!!

原因冇他 , 因為我中意落暴雨ge感覺 ,

淋暴雨我就更加中意 ,

個d大滴大滴ge雨水 ,

滴係自己ge身上 , 面上。

個種感覺真係high到冇人有啊!!

睇到突如其來ge大雨 ,

我覺得今日直情係完美到冇得再完美。

就係呢個時候 , miss pang 又罵人了

因為有人玩得太過份。

當然 , 我知道果個係邊個 ,

但係我並唔打算講出黎。

因為我覺得冇必要。

佢罵罵下人 , 突然 , 出現一聲雷聲。

我的而且確係比佢嚇親 ,

但係呢下雷聲令我心跳得好亂 ,

好似成個心都唔係我ge咁 ,

果個感覺比驚 , 比嚇親仲恐怖 ,

就好似玩緊過山車 ,

突然下陡坡果種 , 個心空左ge感覺。

我自認我唔係一個細膽ge人 ,

亦唔係一個驚雷聲ge人 ,

甚至仲好中意睇人聽到雷雨之後 ,

d女仔ge尖叫聲 , 同埋d男仔ge呼叫聲。

最重要ge係 , 我一定唔係人面前喊 ,

但係咁次我竟然喊左出黎 ,

强忍住ge眼淚係眼眶度 ,

我叫自己要笑 ,

要由心裡笑 , 再驚 , 再亂 , 都要笑 ,

只有笑 , 先可以令我唔破壞自己ge低線。

原來  笑  都唔可以令心情平復 ,

我只有用最有效ge方法。

就係令自己痛 ,

就有痛 , 先可以忘記果種唔知點形容ge感覺 ,

果然 , 我真係控制到我ge眼淚。

事後 , 我安慰自己 ,

我唔係驚雷 ,

而係因為我身邊冇人 ,

令我冇安全感。

前面ge同學 , 同左邊ge同學都離我好遠 ,

果種無助ge感覺 , 就好似被黑色包圍。

伸手不見五指。 求助無門。

真係真係好痛 , 好痛 , 好驚 , 好恐怖啊!!