看過以往的blog就會更認清，自己最近幾年變化確實好很大。

話說我雖然年齡排第四，但一直覺得自己見識，能力遠遠追不上平均水平，尤其是三個兄長，所以以前無論討論定一切參與都急。急著展示其實我都識少少。

後來覺得讀社工即使不能改變世界，起碼可以開闊眼界，便讀吧。發現眼界果然開闊，免卻三兩輕狂，多了四錢沉鬱。

覺得自己好似慢慢看見了大佬他們眼中所見的世界，多了無奈，少了問問題，而偏偏身邊的同學大都同樣地唔再願意對世界發問。

直到出來做呢份唔似社工既社工，更覺得要有樂趣並有意義地生存，需要創自己既一個空間。

跑道中途突然迷惘就需要尋回起點的激情作調劑。

而呢度可算我人生一個必不可少既起點。並且不僅僅係起點。

想念域面對好深情或嚴肅既話題會突然彆扭地淡然或嬉笑以對，

想念夜羽幾潛水都會出黎講兩句溫柔鼓勵既說話，

想念樓主斷言我既想法係錯或者係over既，

想念小楠講一D kai到我唔覺得人腦可以產生到既說話，

想念小君時而顧影自憐時而大力支持我的插科打諢，

想念小思一閃即逝的M到，直到聲音慢慢fade out，

想念當年將呢個blog當成屋企，每日要對住呢度講聲我出門喇既感覺。

很囧很傻很kai很真。

從今天開始，那個囧字由我的輸入法尾幾頁，慢慢重新浮上來。

嘿嘿嘿。

囧天