近排真係好多野煩，搞到我成個人都變得好冇心機，有時連笑都唔想笑，而我又再次沉迷返係『雪雪』既世界......其實我知道唔係一件好事，但係最唔使煩既就係果一刻；不過有時都幾影響我既情緒，好似星期日果晚，我竟然有種好失落既感覺，其實我知自己因咩事會有咁既感覺，只係我唔希望呢個原因係真........

尋日契爺佢地個就職典禮終於圓滿結束，見到個個都好開心，而且仲好齊人，ravi、肥龍、浩然、阿恆都有黎，雖然成晚都冇得食野，但成班係到做埋d白痴野，都真係幾開心...哈哈...本來我買左兩件衫仔俾某某，不過其中一件我買既時候已經覺得好襯ravi，所以冇等某某睇過我就已經拎左俾ravi，而事實又真係襯佢wor！證明我既眼光唔差啦~~嘻嘻~~

20號就黎到喇！雖然要做既野都已經做左，但我真係有d驚自己做錯左......唉....到左呢一刻都唔諗得咁多野！有咩麻煩野到時先煩啦......

黎聽晚我又會去搵『雪雪』架喇...........