明明五天工作0架， 今日係星期六，點解無la la要人返工啫

原來就係為咗劇院十周年紀念。搞咗好多遊戲攤位同節目免費俾d市民參與。

   天呀 ! 唔係呀嘩？早兩日重陰天落雨行雷閃電， 點解今日陽光咁猛烈0架。

呢個無瓦遮頭既地方重係今日我有份工作既岡位添喎~~

 唉! 晒到隻狗咁.... 係度行行企企。

其實我都唔知自己返黎做乜 ?        

唯有久唔久攞部手機出黎影吓d得意嘢la!   娛樂吓自己都好丫!

呢個肥妹仔好得意吓喎 !       

    吓! 佢既對手原來係個奀之之既小妹妹,

唔使諗都知邊個會撞贏 la ! 

小心呀! 佢衝緊埋黎la !  唉吔, 我無眼睇lor ! 

响外面出到成身汗，間唔中走入室內嘆吓冷氣飲吓水咁丫 。

D小朋友演折子戲又幾有板有眼喎 ~~

本來重有好多其他節目响唔同既地方0既，不過唔係我既工作岡位，所以我無得睇。

嘆完一輪冷氣，又再出返黎晒過。   重同兔仔 Say 聲Hi  ! 你熱唔熱啫?

我今日就係咁出出入入，行黎行去，又冷又熱咁過咗一個下午 la !