今天早上乘坐日本航空JL736 10:45 到日本，所以8時30分左右已經到左機場， Check 埋 in 都未夠9點，重有大把時間食番個靚早餐，然後再施施然入閘，亞邊個邊個照例e e 哦哦話早， 不過都係我嬴， 唔係咩， 早好過遲丫嘛，你地話係咪la !

機上邊既午餐都幾好味，不過亞邊個邊個就唔係幾開胃，因為佢病咗，早幾日已經病架la~~ 叫咗佢睇醫生架la，都唔聽人講，又話無事，走去攞咗個仔之前食剩D藥黎食， 食咗重衰， 卒之俾我閙完佢，尋日就死死氣走咗去睇醫生，不過食完藥之後佢就Ngau 吓Ngau 吓，响機上面訓到唔願郁。

到咗日本之後坐機場巴士去酒店果時, 已經發覺佢有d 唔妥, 係度猛咁話凍, 平時佢只有話熱嫁嘛, 點會話凍架啫,

又話想嘔, 真係嚇死人, 去到酒店lobby, 佢已經坐咗係度唔郁,

好彩姨甥黎咗接佢亞媽啫, 本來講好咗我地送佢去到佢屋企嫁嘛,

上到房幫佢量吓體温, 38.4度, 真係發燒喎...好彩入境處check唔到啫,如果唔係, 打佢返轉頭就死火la...

問佢去唔去食野, 佢又話唔去, 淨係話想訓覺...     咁我就唯有落街買野上黎俾佢食啦....

  呢個咖喱豬扒飯係我既, 佢見到又話要食少少, 不過食咗少少又話食唔落...

                        佢淨係食咗呢個菜肉飽....

              ← 呢盒係正宗巨峰提子, 唔係Jelly, 姨甥送黎既.....

    睇吓佢個樣, 連食野都瞌埋對眼...未夠9點又上床訓覺.....今次真係有病la !