 昨晚的病人，訓到今朝9點幾都唔願起身，足足訓咗十幾個鐘...
由於約咗我姨甥11點幾去到神奈川搵佢嫁嘛，點都要佢起身嫁la !
好彩佢今日無發燒啫，精神好咗好多....
尋晚買定早餐，今朝佢都肯食， 講野都大聲咗好多， 咁都無咁驚~~
11點半去到神奈川"新百合之丘"車站，姨甥揸車黎接我地去佢屋企...
 呢度就係佢屋企la ~~
 個車牌No.靚唔靚呀....168呀~~
呢個人係都要人同佢影個 168 車牌.... 佢真係想一路發頂la ~~
 呢個B 2歲2個月大， 同個妹一樣， 都係6月出世... 
 嘩! 你地睇吓佢d眼摺毛幾長 !!!!
 ← 呢2個人响度等食→ 
 呢個係客廳，樓上有4間房 ，不過唔係幾方便影人地d房。其中兩間可以見到富士山。不過要天氣真係好清先得。我地果日天氣就唔清，所以就見唔到~~
 呢架車係俾佢老婆用黎出入買野用既 ~~ 下晝3點幾，我話想去横濱紅倉庫度行吓，姨甥就車咗我地去la! 你睇吓佢，一話去街， 即刻生猛哂~~
 呢個人都係，响紅倉庫見到法拉利有展覽，就連病都無埋，佢呢份人， 只係有兩樣野可以令佢百病消除既，你地估吓係乜 ????? 如果最快兩樣都估中既話，就可以得到手信一份~~
遊戲規則：以個blog收到留言最早為準，每人只限估一次，一定要兩樣全中，唔可以大包圍。
 除咗呢兩架之外，亞邊個邊個仲不停咁影咗好多張，不過我無貼出黎，如果唔係就悶死人~~
 你地話la ! 架車 load到咁低， 點行呢 ? 我真係唔識欣賞......
 呢度就係紅倉庫, 裏面只係高檔既跳蚤市場~~
 側邊就係横滨港...
 跟住我地就去咗横滨站既SOGO行街，有少少收獲咁la !
 又食咗個Afterroon tea~~
 一路食一路有人彈琴， 都幾舒適。
行到差唔多7點就搭JR湘南新宿返新宿，再响新宿行一陣街先食晚餐。
個晚餐就是但响"松屋"食牛肉飯搞惦，無法la ! 病人話事~~
 尋晚有人一入房就逹落張床，所以無影到間房，
 今日影番補數~~
|
