唔經唔覺, 咁又第3日la ! 又係訓到黃朝百晏, 响房食埋早餐, 出門口都差唔多11點....
去車站途中, 見到消房車出動, 亞邊個邊個係都話要影d消防車俾Ponchi papa 睇,
我話上次佢已經影咗好多la ! 佢就話Pochi papa 無影到出動既相, 係都唔肯走,
話要影俾佢睇~~~
點知等咗成幾個字都無野睇, 淨係見到d消防員同警察入咗幢大廈, 都無出黎,
又見唔到有煙同火, 都唔知搞乜 ???
我猛咁嗌走, 但係佢就無反應, 真係俾佢激死....
再等多2個字, 都無野睇, 佢先肯走....哎 !
  
 終於到咗三鷹駅個巴士站~~
 呢部就係龍貓巴士la ~~ 不過只係龍貓d圖, 並唔係龍貓個樣....
 ~~ 
 本來室內係唔準影相既, Pochi Papa: 又係你呀! 有人靜雞雞影咗幅相話係俾你睇架.... 佢本來猛咁叫我影架, 我係都唔肯, 容乜易俾人發現, 趕我出去架, 咪攪我~~
本來諗住响博物館度, 經過井之頭恩賜公園, 然後行去吉祥寺既, 不過今日天氣好熱呀! 天氣報告話有成36度呀! 條街度好似個火爐咁, 都係搭番巴士去三鷹駅度搭車la ! 點行呀 ??? 成身都濕哂...
 午餐响三鷹市度食, 又係牛肉飯, 不過加咗嚿三文魚, 而地點就換咗吉野家~~~ 哈哈哈!!! 問你服未 !!!
 响街度見到個靚女, 梗係要同佢影番張相先得嫁嘛 ~~ 不過....個靚女捧住個鐘既時間...好似......係咪有d問題呢 ???
 上次响Satou 淨係食牛扒, 唔記得買牛肉球黎食, 今次幾大都搭一個
站去吉祥寺買黎食啦~~
 嘩! 你睇條龍幾長.... 唔好淨係睇前面呀 !後面重有一條龍呀.....
 嗱! 亞邊個邊個就响後面果條龍度la !!!!    排咗咁耐, 都係為咗呢兩粒牛肉球...
果然幾好味喎... 又多汁, 又好香洋蔥味....值得推介~~ 不過....會幾熱氣架~~
天氣實在太熱, 嗱嗱聲打道回府嘆冷氣~~
 返到新宿車站, 又入咗小田急 超市度行咗一陣, 乜西瓜都有黃色既咩???
咩 又買咗兩個燒餅黎食~~
 重買咗車厘子同密瓜, 一於今晚開大餐~~~
返到酒店都係6點幾, 亞邊個邊個食完藥訓咗一陣覺, 8點幾先出去食晚餐....
點知出咗去, 差唔多成個西口都俾我地行哂咁滯, 亞邊個邊個仲係咀瞄瞄, 都唔知佢想食乜 ???
點知佢突然好似發新大陸咁, 同我入咗一間舖頭度食野, 我地淨係叫咗兩樣野啫....
又係遊戲開始既時候啦 : 究竟我地食咗邊兩樣野呢 ???
貼士就係: 個晚餐係亞邊個邊個話是既, 而佢又好開心既.....
遊戲規則同尋日一樣: 最先留言而兩樣都中哂既就嬴, 每人只限估一次, 唔可以大包圍~~
( 人地估咗先, 唔一定啱哂架, 你地一樣可以估嫁, 只要有少少唔同, 就可能係你啱架, 唔好失望呀!!)
我地返香港先開估架, 你地慢慢 諗吓啦 !!!
|
