尋晚成11點先返到酒店, 搞咗一輪, 到訓覺嗰時, 都成點幾鐘....
今朝又要8點45分出發, 7點15分Morning Call, 不過我6點半就起咗身...
間酒店雖然係4星, 不過都乾淨企理, 個自助早餐亦不過不失~~
雖然話8點45分出發, 但係搞吓搞吓, 都搞到成9點幾先出發....
今日第一站係"古元版畫美術中心", 不過我對呢d嘢興趣不大,
行咗一陣就坐咗喺度等夠鐘~~
第二站係"陳芳故居" 陳芳喺珠海好出名, 不過我一d都未聽過....
佢既故居的而且確係好大.... 以下既圖片都係响果度影既:
   
我專登放大以下呢幅圖, 睇吓你地睇唔睇到裏面有幾多個小孩 ???
呢度大到連臘像館都有...
 左邊既就係以前呢度既主人 陳芳 la....
 呢間屋, 你地千祈唔好入去坐呀 ! 點解 ???
 因為呢度係花廳黎架 !!!!
連我地要睇既變臉, 都係响呢度既陳宅戲棚度做架...
間屋大成咁, 連戲棚都有...真係可想而知, 呢個人當時係幾咁有錢啦 !!!
呢段片最失敗之處, 就係睇到最緊張嗰時,
俾大姑媽個頭突然伸出黎遮住咗佢走埋黎變果一吓 >.<
睇完變臉, 又到我地既午飯時間la ! 就係"橫門水蟹雞火鍋宴"
 先黎一鑊大頭魚..... 都幾好味,
連我不嬲都唔鍾意食淡水魚既都覺得好味...
 再黎就係主菜"橫門水蟹雞火鍋"
裏面唔單只有雞, 仲有乳鴿.... 首先每人飲一碗湯, 食裏面d料,
跟住就好似打邊爐咁, 落d其它材料: 菜呀, 淮山呀, 菇呀, 腐竹呀, 等等....
 差d唔記得我地响呢度自費食咗2隻石岐乳鴿添.... (都係何生請既)
食完先醒起唔記得影相.... 又係失敗之作 = ="
食飽飽之後, 當然要做吓運動啦.... 呢度係石岐歐陸步行街~~
 大姑媽話要揾番d團費喎 ! 想做番份part-time人力車夫...
 呢度又真係幾有歐陸風味喎...
行完之後, 又到回程時候la !!!
响2個零鐘之後, 我地既2天行程終於完畢la !
多謝各位收看...  後會有期..........
|
