哈哈!  兩日遊的確幾開心....

不過當中亦發生一些趣聞瘀事:  

第一件事就發生响我身上...

話說我地睇完煙花經拱北返珠海時，經過澳門出境處時,

佢地竟然話我無入境記錄....  吓 ! 咁都得，唔通我偷渡入境 ????

佢地即時問我攞張入境紙黎睇..... 我即刻攞出黎睇....

唔睇由自可, 一睇之下，張紙竟然唔係我個名....  點會咁架 !!!!

果個人既身份證號碼同我既， 祇係差一個號碼... 唔係咁大劑呀wa !

即時俾人叫咗入房仔問話.... 又問我响邊度入境，點解唔睇清楚張紙....

佢地攞咗我張身份證入去唔知搞d乜， 不過好彩搞咗一陣啫,

好快就俾返我， 叫我下次睇清楚d係咪自己個名， 就叫我走.....

經過呢次既經驗，就算你唔叫我呀， 我以後都會睇到清清楚楚啦，

原來澳門入境處d人做嘢咁"那西"~~

事件二：  就係二姑媽la !

話說第二朝酒店check 完out， 大家都上了旅遊巴等出發....

導遊上車問我地L組係咪住310號房， 我地話唔係..

咁佢就問咗第二組人， 原來果間房有人攞咗一個收錢既鬚刨，

咁佢就响行李度攞番出黎...

跟住就到我地la ! 原來二姑媽攞咗人地個污衣袋裝污漕衫，

今次佢唔可以攞番出黎la ! 因為佢已經用咗，

嘩嘩! 一個袋成5蚊人仔架，不過無計la，都要俾架la..... 

不過學二姑媽話齋， 第二間都唔使俾錢，都唔知呢間要俾錢...

但係大姑媽攞咗個環保袋喎，又唔使俾錢0既

可能大陸而家推行環保，要徵收膠袋費都唔定~~

我今晚收到聽日個領隊電話，佢話10月1號開始,

所有大陸既酒店都唔提供牙膏、牙刷 ! 洗頭水同沐浴液之類既嘢...

話環保喎...   不過唔知真定假

再黎就係大姑媽la !

先前我咪話"陳芳故居" 好大o既 ...

果間大宅有好多個註場導遊，我地行行吓遇到另一團既人走埋一齊，

不過果團人睇完要出番去架la ! 同我地相反方向行...

我地行行吓發現唔見咗大姑媽... 跟住四圍揾...

又通知領隊同內地導遊，話唔見咗個人....  

好彩無幾耐就見番大姑媽啫... 如果唔係點向佢d仔女交代

原來佢跟咗另一團人走返出去，佢又無留意d人係唔係佢d團友...

佢出到門口先發現d人唔同咗樣，好彩佢都識返轉頭啫....

我地同佢話, 點解你見唔到我地，都唔掛住我地既咩

而我地見唔咗你，就即刻通知人去揾你.....

咁就證明係佢心目中，我地係透明既......

公告: 明天10月1日黃金週, 本事務所休息三天，

玩樂去也...