| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
2010 年 10 月 27 日 星期三  |
流浮山食海鮮  |
分類: 未分類 |
哈哈! 今日又係講食呀 #^-^# ....
話説尋晚一大班人又去咗流浮山食海鮮....
所以今日既話題又離不開食.... 連我自己都有d悶添~~
本來都唔想寫架la ! 一黎應MM既要求...
二黎寫出黎係想俾擦友陳兩公婆睇吓既..... 喂 ! 你兩個放咗我地飛機喎 = ="" 點先....
 首先梗係先黎我地o既至愛啦.....
 跟住就係豉油蝦...
再黎就係炒球 , 佢地話呢條魚叫做"花鬼"喎.... 好大條架.. 都幾好味~~ 
 炒蟶子當然係例牌菜架啦~~~
油鹽水煮花甲 
 蒜茸蒸扇貝.... d扇貝稍為唔夠大隻~~
 炸生蠔...好好味, 個脆皮做得好薄, 一d 都唔油膩....No.2 好味...
辣酒煮花螺.... 不過唔夠辣~~ 
 我覺得呢味係全場最No.1 好味架la!
就係 "鹽焗奄仔蟹" 好好味,
 嘩 ! 你地睇吓d蟹羔, 幾乎漏哂出黎咁滯....
不過我覺得如果清蒸會仲鮮味d, 稍為俾d鹽搶咗d鮮味.....
 炆骨腩.... No. 3 好味...
 好好味, 好足料同好大碟既炒飯,
搞到個個都食唔哂, 要打包走添....
 食飽飽之後, 就走咗去碼頭邊,
欣賞吓對面深圳灣大橋既夜景, 不過尋晚好大風同好凍...
所以睇咗一陣就走人lu....
|
|
|
姑姐 於 2010-10-29 11:55 AM 發表：
學你話齊, 唔食都要俾錢喎,
梗係揀d貴野黎"練食", 食到唔敏感, 唔反胃, 唔...
咁就乜都值回票價啦!
阿邊個邊個, 你係得o既!
我要向你多多學習,
唔好淨係食中華料理咁dry....
|
網主回覆
唔係掛 ! >.< 食到反胃都要食.... 點得架 !!!
其實佢食到既... 係佢心理作用啫 !
食完咪乜事都無 ... 淨係蠔先出事之嘛 !!! Posted at 2010-10-30 05:51 PM [ 編輯 ] [ 刪除 ] |
|
|
姑姐 於 2010-10-29 10:45 AM 發表：
哈哈, 阿邊個邊個都去左咁多次日本,
都有咁多野啱佢食,
我同佢o既口味咁啱key,
一d都唔驚呀...
|
網主回覆
唔係喎! 你錯la ! 佢已經學識咗食三文魚、鮮帶子同埋少少海膽刺身lu wor~~
仲有呀, 佢好中意食蟹架... 仲有赤貝呀扇貝呀等等... 佢都好中意食添架....
可能跟得我地班擦友多咗啦, 因為佢唔食都要俾錢架, 所以佢都唔執輸,
學識咗lu... 佢唯一淨係蠔佢頂唔順啫, 可能佢d腸胃對蠔敏感la...
但係佢對其它貝類又無事喎... 由其係鮑魚..佢仲多d黎, 密d手添喎....
生既佢都食架.... 佢呢條友仔, 貴嘢佢就唔話敏感... 你都唔知佢真定假~~~ Posted at 2010-10-29 11:09 AM [ 編輯 ] [ 刪除 ] |
|
|
我好鍾意所長你呢篇日記呀!!!
d野食好啱我好味~~ 睇到流口水..
特別係蟹..超多蟹羔..正~~
聖子好大碟bor..不過唔知係咪殼多過肉啦~~
生蠔我就唔食得多..熟o既就冇問題!!
請問呢到好味d定係布袋澳好味d呢??
|
網主回覆
各有各好食... 例如: 扇貝同蟶子就布袋澳好食d, 同埋大隻d,
蟹就唔同食法... 布袋澳就無"奄仔蟹" , 得肉蟹... 所以用薑蔥炒...
"奄仔蟹" 就唔使點用調味料, 就咁清蒸都已經好鮮甜...
不過今次用咗鹽焗, 就稍微搶咗少少佢o既鮮味...
但都無減佢o既美味....
d 蟶子肉都有好多喎... 同d殼一樣咁多...
至於邊度好食d呢.... 我覺得兩邊都咁好食...
不過布袋澳就無咁多款式揀....
呢度係有熟人介紹... 如果唔靚或者唔合時既海鮮...
佢會叫我地唔好食.... 例如賴尿蝦, 佢話唔靚, 所以我地今次無食...
又例如蠔, 本來佢地最出名"蜜糖金蠔", 但係佢都叫我地唔好咁整...
因為佢話d蠔未夠肥美, 整出黎無咁好食... 所以叫我地炸...
條魚好大條架, 亞邊個邊個話有十幾斤重喎...
雖然我地要唔哂一條, 佢都肯劏俾我地, 俾我地揀先...
呢間舖頭, 我地次次去親, 都會送一大鍋海鮮豆腐湯俾我地飲架...
至於價錢方面呢, 我地唔同人去就會唔同價錢... 點解 ???
就係有d人中意食豪d 靚d, 有d人就中意經濟d...
就係呢種分別la !
通常黎講, 呢間都唔會收得我地太貴.... 亦唔會劏得我地太厲害...#^^#
Posted at 2010-10-29 12:43 AM [ 編輯 ] [ 刪除 ] |
|
|
姑姐 於 2010-10-28 04:22 PM 發表：
你班擦友係咪一個星期一齊擦一餐o架?
係咪去歡樂海鮮酒家?
好多我唔啱食tim,
淨係魚,蝦,同炒飯最啱我食,
炸蠔同蒸扇具我都係一舊起,兩舊止...
所以我唔會好似MM咁流到成地口水O架:)
|
網主回覆
無定架喎! 想食就去食架la ....
梗係唔係歡樂la ! 佢果度d嘢貴到死....
有幾班人架, 有時就我d friend, 有時又亞邊個邊個d friend.
所以咪覺得好似成日食咁攞....
嘩! 你有咁多嘢唔食, 下次去日本都唔使預你都得la !
生又唔食, 蟹又唔中意食, 咁去日本黎做乜啫.... Posted at 2010-10-28 07:56 PM [ 編輯 ] [ 刪除 ] |
|
|
wa! 日日開大餐, 想增磅呀! 贏大$$$$$$$$$$$$$? 幾時請我食飯呀>.<
|
網主回覆
都係你好d, 乜都中意食, 下次去日本我一定預埋你....
你請我去, 我帶你周圍去食食食食食.......... Posted at 2010-10-28 07:58 PM [ 編輯 ] [ 刪除 ] |
|
