早前二姑媽同大姑媽都話我上次响大澳貼出黎既一種果, 叫做雞蛋果,

二姑媽仲話熱情果即係雞蛋果~~

但係我的一位同事猛咁話唔係, 熱情果係唔同雞蛋果~~

佢仲話2樣佢都食過, 所以知道唔同....

所以我今日特登上網搜尋吓佢地既分別：

呢d係熱情果既花  

熱情果(未熟) 

唔可以強摘, 熟咗佢自己會跌落地~~ 之後仲要過一星期左右先食得...

如果唔係會臭青味~~

熟既熱情果果殼會變硬同變紫紅色...        

D果肉連核連汁混埋一齊(成pat嘢咁), 香味好濃, 食落好酸~~

(我認為, 因為同事以前請過我食), 我祇係未食過雞蛋果, 所以唔知佢既分別~~

亦有d品種係黃色(比較少)    

呢d係雞蛋果, 果皮無硬殼~~ 

通常係隋圓形或者有d係尖既~~

d果肉好似雞蛋黃同埋祇有一粒大核...     

大姑媽, 清快塘種嗰d果肉係點架?_?  一pat定好似雞蛋黃咁架 ?_?