今日係情人節，又係我哋出發去清邁既日子。
嘩! 攪咩呀??? 氣温跌到得9度!!! 好彩我哋係中午12點幾機啫，唔使咁早起身~~
一早Call 定亞"邊個邊個" 個的士佬friend 响9點半黎接我哋， 由於架的士黎到我哋花園門口，
所以我地祇係著件短袖衫，再加一件厚少少既外套，就嗱嗱聲跳上車，直奔機場去也~~
無論去到邊，我都會帶埋佢去~~ 所以佢都去過好多地方架... 
由於無直航機去清邁，所以我哋要响曼谷轉機~~ 
上機無耐，空姐就派俾我哋每人一朵用新鮮蘭花做既襟花~~ 
雖然個飛機餐麻麻地，但係嗰兩粒情人節朱古力，又幾應節~~ 
2個幾鐘之後，終於到達曼谷機場，第一時間梗係幫襯佢地個辦公室啦~~ 
不愧係蘭花之國，四處都擺放了蘭花(包括辦公室裏面都係)~~
跟住又去到轉機閘口等待轉機~~ 
從曼谷到清邁祇有一個小時機程，所以祇有一個三文治便當~~ 
由於今日係情人節，所以仲有一個心型蛋糕~~
哈哈! 落機之後，又見到蘭花~~ 
轉黎轉去之後， 出到機場已經5點幾，幸好預約好的車及司機連導遊已經响度等候緊，
所以我哋可以即刻前往一早已經預約好離清邁市中心約半小時車程的Resort~~
嘩嘩! 我無眼花丫嘛..... Resort入口前面有一個湖~~ 
好靚呀!!!!!!!!!! 仲有倒影添喎~~~ 
經過呢個Resort 入口..... 
再行一小段路.........
我哋就住响呢間小屋度喇....一間小屋有2間房，我地住第二間房~~ 
玻璃房門對住呢個小湖~~~ 真係好想响呢度長住呀...... 
安頓好之後，就係晚餐時間....司機帶我地去到呢個市中心附近既餐廳....
呢度最名食燒魚.....所以去到門口已經見到有人响度燒緊魚~~ 
我哋連司機8個人，總共食咗4條魚.(真係大食)
呢條炸既 ~~~ 
而呢條係燒既~~ 
加上2個泰式咖哩軟殼蟹~~~~ 
同埋2個泰國人話小辣既冬蔭功湯...(其實都好辣) 
不過真係好好味~~~
再加幾碟炒菜添.....
今餐就係我哋响清邁最貴既一餐....盛惠2千零幾BHT 。
食飽飽之後，就打道回Resort。由於呢度夜晚黑嘛嘛，除咗睇星星之外，就真係無乜好做。
唯有早早沖涼瞓覺，過一個寧寧靜靜，早睡早起的日子 ~~~
|
