記得噚晚臨瞓前，仲係落好大雨....

今朝一早醒來，雨已停了，真係一個好的開始~~

今日參加咗一個2日1夜的Local Tour到長野及岐阜追楓，7點半就要集合， 真攞命.....

個團都好爆，有成四十幾人，成架旅遊巴都坐滿人咁滯...

當中有一個又係自己一個人嚟日本既香港女仔，仲有2個由天津黎既女同胞~~

遊行社安排我地幾個坐埋一齊... 個日本女導遊d國語講得好好，完全明白佢講乜...

 又識d英文...勁呀!!!!

車程真係好長呀!!!  成點鐘先去到第一個景點...  長野"小布施"

個團唔包餐 (除了酒店既"一泊兩食"之外)

個導遊話呢處既蕎麥麵最出名，叫我地去試吓...試過後覺得不過不失啦~~

响呢度見到有少少紅葉，真係好祈望下一站有更多更多~~~

個零鐘之後，到達第二個景點~~善光寺

起初覺得呢度都無咩特別，但入咗內園之後，真係看儍了眼....

好鮮紅既楓葉呀!!!! 雖然不及嵐山壯觀，但足以令我呢個儍人大開眼界~~

哈哈!!! 我終於亮相了~~

行吓行吓....天又開始烏雲密佈了，真係唔捨得走~~    

約45分鐘車程，到達了栂池高原-白馬温泉時已4點幾了， 車外又開始下雨了~~

當我取了鎖匙返到房時，與我一起坐的香港女仔突然走過黎問我，

可不可以跟我同房， 因為係日式房要瞓"塌塌米"，佢話好驚....

我心諗: 乜同你好熟咩???   其實唔係好想~~

不過見佢個樣真係好驚咁， 算啦，應承佢啦~~ 

後來我問佢點解佢咁驚瞓單人房，又會一個人黎日本0既!!!

佢話响東京住果間酒店好新，11月先剛剛開張， 又唔係日式，所以唔驚喎!!!

日式Set Dinner: 晚餐終於破戒了....

 晚餐時，我們4個中國人又坐在一起，講起房間的事，

該2位中國同胞說可以跟我們交換房間，因她們的是西式双床房，

地方較大， 而我們的是日式單人房，比較細...

兼且她們又未試過瞓塌塌米的滋味， 想試一下...

結果，2個單人就咁變了瞓了双人房。一双人，就變了瞓兩間單人房~~ 

食完晚餐抖一抖，浸了温泉後， 

與同房在Lobby各自用手機上網，其實我同佢真係無咩話題好傾!!!

我與班豬朋狗友鴨屎一輪之後，就返房大覺瞓，準備繼續明天的旅程....