趁溫書之前偷5-10分鐘打下日記，今日早上遊水，出到去，D男仔見到女仔，就好似外星人襲地球，即刻走出去，俾肥軒撞，差S撞到廖老師，好彩閃過，其實都係差少少就撞，遊水，自由式，終於開始掌握到，俾老師讚話遊得幾好，仲要摸頭，無奈...，跟住又來回喇，去到半路，左腳小腿同腳板突然劇痛，遊唔到，好彩個池淺，如果係成人池游就會好開心^^，即使企，都痛，即刻改用手唔用腳，初初效果幾好，但隻腳又開始痛，狂死撐，終於放棄，同老師講腳痛唔遊，那時的痛，就像有東西從你腿部爆出黎，即使現在打緊日記，隻腳都未好，可能因為狂死撐，所以傷上加傷，休息一天應該無事，走路就麻煩少少，當我執野走人時，手指𠝹親，成1cm，好彩傷口淺，音樂無野，數學有人睇堂，一於實行當佢無到的行動，理得佢喇，英文無野特別，中文用左15分鐘默，有100，預左，3分鐘背詞既效果真係幾好，I.S做實驗，幾好玩，臨走時4,14,仲有兩個人俾老師叫出去，懷疑抄功課，俾人的去見老師，當老師傻架咩，抄野都無技巧…應該改D再加野或減野，都抵死，抄野無技巧，可惜就連累了借俾人抄既同學，分數扣雙倍，全方位- -，E個更加抵死，明知規則唔俾做ed野，都要知法犯法，咁真係抵死，仲有借抄個d人對佢都係成日串佢，奇怪在於d人問佢借功課抄，佢竟然借，太好人-_-''但蠢個隻，講多曬氣，午膳，同Benson玩野，考完試先爆佢d野，唔係你知個隻，係你唔知個隻，仲有msn對話。今個星期原來派成績表，聽禱告先知，好無野講，都知自己咩料，都係算喇，繼續努力。開始睇到學校有少少似社會縮影，弱肉強食，成績排名已經顯示曬社會縮影，一到試場，大家都係敵人。
P.S明天測驗,xddd！！！
|
