2月22日下午3:00，我立即收拾行裝飛奔去集合地點集合，距離出發時間還有半小時，即刻換杉加擺school bag，之後到將廣買d野，之後飛奔學校，點知都係遲少少，俾老師話左一陣，之後就上車，沒有什麼興奮，得個暈，坐車坐到超暈...好彩有糖^^，之後到達目的地，見到有牛同地雷(牛屎)，記得第三次去camp都見過有牛，今次第四次去，之後行左4分之1既路程就到起營地點，女仔就煮野食，我同另外3個男負責起營，畢竟自已識起營，唔起營唔通去煮野食咩，起完營後，就幫女仔手...如果要我形容當時情景，我會用8個字形容，X女廚房(TVB個節目)，七手八腳...，跟住之後入營食野，搞到俾導師話，食到就圍都係，食完要清潔，我地狂夾野食同好多飯俾鄭老師，有人話鄭老師係飯桶...(聽人講)有午餐肉,egg,菜,湯...雖然整得好辛苦...但算好味...跟住就過左陣，到夜晚活動，8人要行20分鐘路，2人行5分鐘路，1人行8分鐘路...班女仔行20分鐘就唱歌...我覺得成班人都要唱歌...咁樣去到8分鐘會點?5分鐘路同馬桂男傾計..8分鐘路，行之前鄭老師同我祈禱+問我驚唔驚...我話唔驚...人性既黑暗一面比環境既黑暗更恐怖...跟住我就開始我既短短路程...好興奮...好刺激...行行下...好悶- -''...其實導師之前派左一盞燈...但無乜點用...成條路有螢光燈...跟住d螢光燈行...成段路程好靜...無咩聲音...眼睛可以見到附近事物外形(視力算好...無左眼鏡就大檸樂...)...其實有想過匿埋去嚇人...但驚俾人知道就黎去打靶...所以打消念頭...行左8分鐘都只係有一次差d仆落去...我行到一段路...個度有好多樹木...但d樹葉落曬...但行到個度真係無營光棒...當時開始有好多個????...唔通我行錯路...之後開左5秒既燈...睇下附近有無營光棒(以為d營光棒無曬d光)/記號...點知無...唯有向上行...跟住行行下無喇喇有彈條友係前面開強光射落黎(係工作人員黎)...好彩咁都唔盲...跟住佢指住我坐係某個地方做w.s，無聊到成10分鐘到...就走去行8分鐘既地方，同組員一齊同鄭老師分享頭先領悟到d咩...濛濛細雨...好彩有bring到遮...即刻遮呀鄭老師...當時有日清紅豆糖水食...大家一路食一路分享...跟住呀曾x恩分享到喊...其實成段路主要同自己心魔搏鬥...可惜我個心魔唔知放假休息定廢過頭...竟然無種驚既感覺...睇鬼片就可能驚...，返去營地已經成夜晚12點幾...同K2&另外D人鋤D，鋤左幾鋪就要俾導師叫去訓...當時仲想一路食零食一路玩到2:00...只好放棄...同K2講00劇情...講左唔夠10句..K2就不知不覺訓左...我都廢事懮人發夢...齊齊訓覺...訓到3點幾...凍醒左...原來個天下雨...即刻拎件外套當被算...點知唔夠暖...只好用最後保暖既野...睡袋...原本暖袋當枕頭訓係勁舒服...點知唯有用衣服當枕頭...真係有舒適就無溫暖...有溫暖就無舒適...當時...隔離營勁嘈...心入面爆緊粗...想出去鬧佢地...但太累...廢事出去...又見到潘星宙用垃圾袋當被用- -''...個心問自己-->會暖咩...又不知不覺訓到7:00醒...D人晨早醒曬...有同學黎叫聲我地...當時佢未行黎我就已經醒曬...嘈到咁都唔醒就...跟住去食早餐...腸蛋麵...算過得去...跟住食完就要繼續行山，4分之3路程未行完...上山+落山，上山要拎住袋營野...好重...輪流同人拎...終於過左唔知幾耐..去到一間士多...D野好貴...1罐汽水$10...其實都預左...第3次去camp就知一定會有咁貴...有馳名山水豆腐花...想要凍但無凍...唯有要支汽水+豆漿...盛惠$21...但排隊都等左好耐...跟住午餐就食麵包...同學老師導師有講有笑...之後停留一陣就走...其間我地食唔曬既罐頭豆,餅乾&花生醬丟落個袋到...點知個老闆拎返出黎...就好似收買佬...跟住終於上到山...玩麻鷹捉雞仔...其實係踏雞仔腳上d氣球...我個組以剩下2個氣球win左..跟住又同鄭老師分享...我坐下個草地上...靜靜地欣賞風景...有山有海有天有地...........有牛屎...跟住又玩遊戲就落山...上山靠體力...落山靠實力...當時又落雨...真係差錯腳就會玩地獄風火輪...玩完就真係掛得...行左勁耐先落到山...即刻衝去價值50m既廁所洗手+解決人生小事...，跟住坐bus返去...當時坐上層...隔離放背囊...跟住又有個女仔行黎問可唔可以坐我隔離...當時車上有好多人...已經無咩位...我唯有拎走個背囊讓俾女仔坐...當時腳太累...搞到成個車程無暈到...跟住我就食糖...食成個車程...隔離個女仔食左個嘉頓唔知咩卷就訓左...跟住無喇喇捱左落黎2秒...佢跟刻起返身...當時標曬冷汗...好彩隔離個女仔唔係豬排或肥婆...前者後者我實醒佢兩巴掌...跟住大叫唔好...然後講俾我最信任既人聽...跟住到左終點站...落車做ws...然後轉車...慶幸當時有散紙...因為當時無bring 8達通...又坐上層...但坐最後...唔想同女仔坐...跟住呀蕭傾電話傾到喊(原因不明...)D人飛紙巾俾佢...過左陣間...D人驚佢唔夠紙巾用...又飛包紙巾過去..為免飛錯...我叫佢地飛包紙巾黎我度...在由我俾佢...因為我坐係算幾近既地方...當我俾完紙巾時...我即刻飛返俾佢地...點知我玩得太多HP...過分地太準...根據拋物線...竟然無爆頭...反而打中黃文靖個肩膀，然後根據反彈定律...包紙巾因為我用力個度...反彈落SKSS個女社工後面...當時佢好似小睡緊...跟住佢醒左...當時D人爆笑...跟住過左唔知幾耐終於回到SKSS...原本打算同K2食KFC...但手上有太多野...所以決定回家...2日1夜既去camp之旅亦都要係度劃上一個句號。多謝大家付上時間睇我所打既野...最好留個cm以示支持...畢竟我都用左30-60mins打出黎...係度講聲~The End~ |
