今日無咩點溫習做功課，又無咩點打機,睇電視,聽歌，做左咩？睇昨天書展買既書，個本《死神安魂曲》幾好睇，2日抽幾個鐘就睇完，跟住就睇左本平價書，原價$60，書展特價$20，跟住又再減，變左$10，好鬼死抵，當然喇，我唔係個種求期既人，買返黎當然係有用先買，平價書有兩本，一本係《會考摘A策略》，另一本係《全力位會考英語摘A策略》，買個時無睇內容，1.因為平，所以唔睇，2.因為關於會考，點都有D部分有用，同埋戰利品少，見平,有用就當係入D新血~，結果睇完一半《XX摘A策略》之後，成個人如夢初醒，E本書好比一條key，我就好比一個箱，10幾年黎，都搵緊條key，今日終於搵到，入面講中曬我D死穴同解救方法，改變了我對讀書看法，整個人變左有返D動力，平野原來都有好野，書展行到腳酸都值得~，今日都睇到一半，入面好多方法都好有用......，睇左成幾年書，終於有一本係真真正正咁令我有所感觸，睇到一半都做左10年都唔會做既反思......，睇都一半內心都有種滿足感，係搵到好書既滿足感，個種滿足感係比打機打爆機，追女追上手，比賽比贏左，抽獎中頭獎還大~，書中解救了我10幾年讀死書問題.....，廢事講咁多，長氣~，唔想咁快做阿伯阿公咁囉嗦，星期5又去個XX展。
P.S當局者迷，迷惘，旁觀者清，清醒，由迷惘變做清醒了~ |
