Qooza近黎上唔到，原來有人攻擊...算喇...講返昨日，燒野食，n男1女，麥焯恩真係慘，d女仔竟然做曬骨牌效應，結果野食買勁少，野飲足夠，食左少少野都$50，無喇喇做左起炭工作，D擺法可能跟徐老師學返黎...點知因為唔係燒烤炭既關系，燒唔到...要買起爐炭，之後某人玩火機玩到無火，被逼要到7-11買火機，同惠康買雞翼(唔夠先去買)，之後上返去再起爐，燒左勁耐先燒得著，有起爐炭快D，又放紙巾同紙碗去燒，癡線...，燒到9點幾就散場同人去歡記食糖水，玩SEED竟然俾新手屈，唉...
動漫展喇，昨日唔知點解開心到訓唔到(唔關動漫展事)，今日要影好多相*~*，可惜仲未搵返條USB線...去到動漫展，但又覺得無咩值得開心，同勁多人迫....癡線....唔去好過去....影左幾幅相，之後去返TKO陪辛仔同K2去健康工房食拉麵，之後去坑口買急救grammer，撞到Tommy，之後因為辛仔的一個電話，竟然撞到周雷...
P.S人生短暫，一年...最多一年嗎？一年過後，我會後悔嗎？親人的生離死別，我莫不關心，是我冷血，還是我不想面對？
今日同呀Tommy Wong去打機，之後黎左個書展女仔，兩個......(以下100字省略)，原本真係佢女友，唔掛之得我覺得佢同呀Tommy Wong係非一般既fd關係，最緊要見到佢地兩個Kiss*2(簡化D索性K2算)，結果我好似變左電燈膽(可能係慳電膽)，去書局途中，呀祖母打電話問我去邊？去街囉= =...佢又問我同女仔呀？(老一輩既思想我可能永世都唔會明)，你想我點答，A.係同女仔....和男仔...B.同緊一對情侶行(者係做緊電燈膽)...C.唔係，隔離個Tommy Wong係度笑，我都報以微笑...去到商務，終於訂左兩本grammer喇...
過埋今日就可以去動漫展...xdd，今日有人約出街打機都唔想出，出得太多超厭.....發覺一係唔出街，一出就成個星期都出曬咁濟...好唔掂...
今日去書展，原本要1:00前去，但早上陪呀媽去醫院拎藥，又陪佢去九龍城拎野，搞到11:30先返到hm，之後又要等朗朗(唔係郎朗)12:00，結果12:15先出發，跟住又去陪佢食野，點知變左打機...結果1:00已過，$10票無得買...要買$25，但呀朗朗識人廣(女仔黎)，搞到2張工作証，結果錢都唔洗就入到，書展行到好累，買左3本monster hunter小說，$96，仲有$100動漫展用，黃思朗真係慘...俾個女仔狂打...又被人用水樽插X忽...股壇狙擊手...，跟住又撞到周雷(我知打錯字，但個正確既字懶得去打)，所謂1山不能藏2虎，結果只係得周雷同呀朗文，之後周雷走埋，D書名有D好正，例如：蔡瀾眼中的八婆與美女，之後講左D笑話，話說見到有奧巴馬既樣，古惑仔即刻班馬，[O！班馬！]，警察就話：[Ha！拉你！](希拉利)...
