7/5/2006

今日諗住又做隱蔽青年啦...想吹下笛,點知枝笛出唔到聲....咁就要去搵人整啦....去通利問就鬼咁麻煩,又貴又耐....咁就去番買果間雅博...有得整,仲一個星期有得拎...幾好...不過就要拎去元朗度俾另外一間分行,咁就入元朗啦!!

三點幾入元朗..就當然順路搵LingLing啦...去左食B仔涼粉...佢仲帶埋Also出泥...哈哈,佢真係好似S呀...幾可愛呀...成日傻笑...不過就女仔左少少...都唔緊要啦....凱琳同小君咪又係一樣咁女仔...但都可以同我地玩得咁開心....咆哮團會感化佢...等佢變埋同我地一樣咁痴線..哈哈!!

食完B仔,就同佢地係元朗行左一陣街...o係千色有間買精品既...見到好多好靚既disney files...好正呀....十二蚊一個....但有八折呀...買左兩個...一個就係Tinkel Bell...一個就係好cute既雜錦...咩公仔都有...好得意呀!!跟住又行泥行去...行到六點幾就返屋企...

返到屋企...老豆呀媽又去飲人地喜酒....留低我一個...食公仔麵吧!!

p.s. 咆哮團留意::: 5月看達文西....考試之後可能會有唱K 大行動。