第一日朝早7:15起左身,然後就拎晒d野,去ok集合,等齊人就去搭巴士去落馬洲,今次係我第一次去大陸,我好緊張,因為我好驚大陸個d人會打劫呀,偷野呀個d,我地過左關就到左深圳,數人時,唔見左一個,果個就係貴騫,因為佢係用特急証,所以要搞好多野先可以過到關,等齊後就上車去果個林則徐既記念館,入到去個介紹個女人未等齊人就開始講野,都唔知佢識唔識做,睇睇下到左11點幾,去左1間飯館食晏就,個d野食係就係多,但係唔係咁岩我地既胃口,冇咩食到,食完野之後去果d工廠到參觀,d工廠唔錯,但係d人係咁望住我地,都唔知有咩好望,有可能係我太靚仔,佢地忍唔住要望多幾眼,去完2間工廠就返左酒店喇,好開心,間酒店話就4星級,但係超靚,我以為會好舊,真係眼前一亮,食完夜晚個餐就要出去行街街,冇咩好行,但係行行下有間舖頭入面有隻松鼠狗,叫做來褔=-=行完之後就11:00,我地返到酒店就入房,我要同詠恆一間房,但係唔知做咩佢同桔換左房,咁我就同桔訓,我地冇即刻訓,去左2樓搵胡遠,但係桔,李啟,貴騫,邦邦去左按摩,到左12:00左右先返,返到黎就玩玩玩玩,玩到2:00幾我地就返自己房玩,到左3:00左右先訓,本身話玩通頂,又冇玩到,訓下訓下,就過左一日。

第天日8:00起身,個moning call好型=-=,起左身就去左食早餐,食到9:00就上巴士去個咩長隆歡樂遊樂園,玩左好多野,有過山車呀,衝落水個d呀,玩到濕晒,嘩,d水同d汗no埋一齊好臭,我地食完飯就玩多一陣就上巴士,我上到巴士就即刻拎件衫去換,換左之後上返車等左45min,秋燕佢地返喇,佢地話唔見我地就去左第二到搵我地,齊人就去左果個咩街,個到d姜汁撞奶超正,食完後去左餵魚,餵完就上返車返深圳,返去香港,返到屋企就沖涼,食飯,訓覺,好正。

ｐｓ．今次好開心，學左好多野。