8月19日 晚上 剛剛收工 當時已經10點左右 開始時還擔心不夠時間入大嶼山 好左回到家時間都係11點左右
還有時間比我整理行裝 裝備都算齊了 到了11點15分左右就開始係錦上路坐車出去南昌
12點 正 剛剛到東涌 不過可惜 剛剛去了一把入大澳的車 宜家都想 我唔係一定要係深屈道上昂平 再上鳳凰山
所以我就改了本身的路線 由本身去深屈道改為伯公坳 開頭覺得 轉路線應該沒有問題 點知到了 伯公坳先知
搵支燈睇下都冇 同深屈道是差天共地 不過最後都到了 點都要試下上山 3年之前都試個上鳳凰山 不過由昂平個邊上
開頭睇地圖就覺得好長 不過到行的時間就覺得好快行左1/4 大多數都係梯級 不過行到去標柱的時候 危機先出現 想不到
在地圖中好像很少的路 其實要行2小時以上 同時天氣開始出現問題 開始有好多霧氣 向鳳凰山頂吹向 雖然有小小霧不過都難不到我
因為有帶電筒係身 還可以上到山 不過到3點幾時間 電筒的光 都開始減弱 同時我開始發覺霧氣比之前仲密了 差不多只可以看見自己
15cm左右的物件 最可惜係電話都入了中國頻道 當時只係黑暗還好在這個時候有景色睇下
在黑暗環境中,當時感到沒有緩助,好左當時只係3點左右,只可以作出一個決定,就係在山路上訓一會.等到天有少少光才再上山, 不過得自己1個人都總會有點擔心,有時候d風吹的時候,都會想 會唔會有d動物係入面 所以都只係訓一陣 起一陣 咁 不過時間總算過得快了 平平安安總到了5點40分左右 當時起身一看 有小小紅色的天空 還可以上到山
當時5點40分的情境
剛剛起身時 影下自己當時的情況 身體沒有汗都已經濕了
當見到天光的時候 心中只係想 我要用最後小小時間沖埋最後200m 當時休息都沒有就一口條沖上鳳凰山的山頂
還好用了15分鐘左右時間 剛剛好到了鳳凰山的山頂 岩岩好可以看到日出 總算沒有浪費了今次的機會
不過今天都有很多人上山睇日出 山頂都有20幾人左右都難搵位影到相 最後就要自己搵位放相機自拍
睇到6點40分左右都開始煮野食 宜同時睇日出d人好多都開始下山 不過其他人走晒仲好 可以得自己1個人係度 耳根清靜
不過鳳凰山山頂 有時真係如同仙境一樣
等霧氣完全散了的時間都差不多7點30分 在走之前都影了一張 好難得有時間上鳳凰山
不過今次下山我選擇了行昂平方向 行一直有天梯之名 樓梯級出發 不過晚上行 同早上行 分別真係大 晚上就可以沖住上都可以 日間沖一陣 就真係要休息一陣 行到550左右開始見到心經簡林 不過睇就好像好近 其實要行好遠的路先到 所以決定了休息一會先再行
最後成功下山 到昂平市集先睇到 走了一斑車 先發覺我休息的時間長了 不過等車 時間先發覺都幾累
等車的時候 都要影一影鳳凰山的景觀
鳳凰之旅就係咁完左 | 
