因為細佬呢排電腦壞咗，

咁我身為家姐佢要玩電腦，實要讓架！

咁佢咪玩lor，一路玩一路傾計……

話說，

前陣我買咗個扭計骰，

雖然我都唔係玩得好叻，

但都好過我細佬少少咁啦！

佢打打下機，突然拎起扭計骰問我:家姐，你咁叻，可唔可以整到個骰一面有九種唔同色呀？

我靜咗一靜，就答佢啦:細佬呀，一個扭計骰得六面，啫係六隻色啦，點樣可以一面有九隻色呢？

細佬又靜咗靜，發揮佢死雞撐飯蓋既性格話:車(佢伸住手去拎我放係電腦枱頭既寫notes筆)！咁我現家用唔同色筆係同一面既每一格點一點，咪唔同色lor，你咁蠢架！！！

我:……(非常佩服小弟既創意！)