為咗應付黎緊不停既工作……

所以打完呢篇野要做完我可以做到既功課同埋溫習！

不過我估做past paper都係聽日再做架啦，

其實做哥陣又覺得真係唔係好難，

但唔知點解考哥陣永遠都係騰哂雞，

發揮唔到，

總之要做多d pratice啦！

或者因為知道自己有三日假啦，

今日好奢移咁呆咗一日……

真係呆，

你要我話你知做過咩？

一個字：無！

頭先打算6點睇龍王傳說架啦，

鬼知香港咁勁要打第4場既咩= =

個死人頭主持仲要話：龍王傳說今日係暫停播映，個比賽咁好睇我相信大家都想睇落去，所以我重覆一次，龍王傳說係暫停播映……

哇！

佢咩意思呀><

我唔係冇教養我鬧咗佢好耐啦一定！

跟住我同媽咪講：如果我係小朋友我一定喊咗出黎……

哈哈哈，

我真係好想知我呢個睇卡通既習慣會延續到幾多歲？

今日係一年一度既singing contest……

對3A情有獨鍾，

所以佢地贏咗咁多獎都覺得係實至名歸^^

恭喜哂joe同elaine佢地拎到獎

但對於joey冇獎拎都覺得震驚架！

都過咗去啦……

算吧！

頭先啱啱先瞓醒，

都好似好耐冇試過放學瞓晏覺！

其實都唔算晏，

哥陣都成7點半= =

瞓醒咪睇林峰lor！

我發覺我地班d人真係奇人百出，係珍禽異獸！

又教主又教父又樞機又科莫多龍= =

淨係記哂佢地都要好多容量啦！

不過我永遠都記得libby係九筒！kate係白板呀ma....哈哈哈

joe身為libby既女友，梗係九索啦！

係我地班上一日堂，

真係可以開心好耐！

果然係未出發先興奮……

本來……

今日可以因為天氣關係唔駛返既機會極高架，

但係……

唔通連個天都唔鍾意我？

我今日真係十萬個唔想返學！！！

今朝返學仲覺得自己好似發緊夢咁……

今朝唔知做咩呢= =

頭四堂都好想嘔……

一定係係巴士睇報紙啦！

頭先用哂我全身精力去做文學……

所以冇心機做past paper lu！！！

唉= =

好差勁既自己！！！

唉~

要返學啦

啫係代表ce又近咗一日啦……

不過我估今次ce都唔會好過上次……

只係當一個練習咁做多次啫！

終於連續打咗一個星期既diary啦……

係開站以來第一次！！！

今日黃家發生咗一件趣事……

話說我啊媽笑緊我細佬因食海鮮會出風"癩"既時候，

突然醒起白灼蝦沙律！！

跟住諗起今朝同我爸爸去買既沙律醬唔知放咗去邊……

搵過哂全屋都搵唔到，

正當大家都唔知係咪有外星人擄走沙律醬事件既之時，

我啊媽突然好大聲咁話︰我知啦！係個洗衣機度呀……

媽咪立刻開咗已經停洗咗衫既洗衣機，

係入面搵返個包裝膠袋全濕既沙律醬一枝！

究竟點解呢？

因為話說我屋企個雪櫃係個洗衣機隔離……

我媽咪素來都有將要放入雪櫃既野放係個洗衣機旁邊……

點知枝沙律醬跌咗入去個洗衣機之後，

我媽咪下意識話要拎返出黎，

但轉個頭就唔記得咗= =

結果……

黃家一大笑話就由此誕生！！！

我呢排成日諗……

如果哥陣我答︰我都係呀！

個結果會變成點呢？

不過都過咗去啦，

變成點……

可以咁樣已經好好^^

好驚做漏功課><

更加驚要返返學既壓力呀……

不過為咗可以上大學既honey moon

我相信係值得架！