講題:從番教會到轉會
我大概由幼兒班開始番粉嶺神召會，果時成日都唔番，
因為我唔識佢地，同佢地唔熟
直至高班，有一次導師搵升級升區典禮的司儀，
佢搵左好多人，但係唔搵我
所以我決定以後要常常番教會。
升上小學後，我被很多導師的疼愛，
因為我好乖，而且係各方面都好出色，特別係經常背金句
所以每次係升級升區典禮當中，都會得到每一個級得一個人得到既大獎。
係小三那年，我正式參與事奉，開始去學習做招待
而係每一年的暑假都會有事奉訓練營，而小三，係我第一次去宿營。
小四，教會成立和唱隊，我參加了，
參加到小六，係最後的一次，我與小祈更排舞呢
那個星期我每日都去馬鞍山搵佢，諗起個次演出，特別有感覺!
係和唱最後一次事奉前，我既同學欣欣帶我去左基督教九龍五旬節會粉嶺堂少青教會聚會
那時，我只跟我媽說，我去體驗一下其他教會既聚會情況
我踏入那個大門口，已經感覺到那種親切感、溫暖
我番既小組係Fantastic , 導師係呀兒 , 組長係miwa , 而我亦成為組員
直至中一，因為我好想係神召會果邊做兒童教會既事奉
所以決定番神召會既青少年崇拜，放棄左Fantastic
係青少年崇拜當中，我從未得到過那種親切感
番去等散會，散會後就打下排球
但日子漸久，小祈都冇咩番,而且有好多人都唔番既時候
有好多唔識既人..開始冇乜人理我
甚至係12月既時候，被那個區牧鬧到我喊
我就發誓以後都唔番去，因為我完全冇左我既自尊
我冇番教會大半年，因為我知呀湘唔鐘意我，我亦無揀番FABULOUS
係中一升中二個暑假，我亦向兒童教會既區主任提出退出係兒童教會既事奉
係中二個年既十月前，我掙扎左好耐，有一日我認為咁樣虛耗時間唔好
因為之前個個禮拜六都坐係屋企玩電腦，而且呀媽都想我番
所以有一日既小息，我問呀B番邊組，決定番去五旬節會粉嶺堂
我又重回那滿有親切感的地方，卻懷著提心吊膽既心情
因為我唔知我咁樣番左第二組，Fabulous佢地會點睇我
所以開頭對佢地，避得就避
但最後還是被佢地知道左
直至而家，我好開心係教會識左咁多人
好開心識左siusiu,珊珊,kerker,卓卓,呀B
仲有其他組既靜恩,鄧旦,曾曾..等等
到而家如果有人同我講想由神召會果邊既青少年崇拜轉過黎
我一定萬分之萬支持，因為我都係過來人
果個區牧太過份，早走早著，以免傷害既係自己
| 
