* _ 今日, 對唔住, 講左D好傻既野, 而且自已唔識控制, 好彩有人識關心我, ~___~ ' 自已太笨啦, 比人講一講就叫生叫死咁....
如果大家覺得身邊有好多不如意既事既時候, 不防睇下以人既故仔, 之後成長,,, ~
「有個人夜晚去左個森林，行行下唔小心跌左落個坑度。個坑好深，佢根本爬唔返上黎，佢呼叫左好耐都冇人應。佢好絕望！低泣！正當佢垂頭喪氣既時候，佢抬頭一望，發覺左成個天空都係星星，好靚！平時生活係石屎森林裏面根本唔會有機會望到星星，估唔到而家一刻可以睇得到。突然間發覺，今次跌落坑都唔算絕望，因為可以見到最美麗既星光。」
好多時候我地都會怨天尤人，往往只會睇事情最惡劣既一面。好似我咁, 只諗好差既野...
但係事情往往有得亦會有失，雖然你身處係好多麻煩､負面､憎恨既世界裏面，但細心留意，你會發覺係患難先會見到最珍貴既真情, 你會知邊個對你好, 邊個對你差, 但對於自已中意同相信既野, 千其唔好咁容易比呢D野同人走左, 同珍惜.
係你唔開心既時候:
你既情人，會比到支持你既說話，係你最唔開心既時候會見到佢最溫柔既一面,
你既朋友，會比到傾訴既空間你，你會發覺佢同平時唔同哂，突然間有吸引力左,
你既家人，會係遠方打個電話比你，你會覺得好溫暖,
你既眼，以後會帶眼識人,
你既口，以後會說話避忌,
你既思想，會比以前更成熟,
你既心情，會比以前更容易控制。
咦！計落，好似得到比失去更多喎。 =]]
|
