之前話好多野發生..

其實係關於一d感情ge事!!!

哩幾日好忙..忙測驗冇時間上黎宜家補返先!!

其實係有一個同學仔我一直當佢好好朋友,

成日都會同佢出街去行街玩果d..連做project都一組~

話說係2月頭我同佢去左銅鑼灣某西餐廳食晚飯,

係佢請客ge,我都唔想去咁貴因為我都係想住求其,

我份人冇咩貪心,有得食就得ga啦..仲有...哩d唔講住!

之後食飯其間..佢竟然俾左一份禮物我.

係一條銀頸鏈..我同佢推左好耐,我真係唔想收~

唔係因為佢唔令係因為太名貴我唔會順便收!

之後佢仲同我表白...我緊係冇接受啦!

如果要接受我想我一早接受左阿傑...

我真係唔想大家冇朋友做...我同佢解釋得好清楚,

佢都好明,亦好明白事理..但係佢話佢唔會放棄...

所有男仔追女仔都係咁ga啦..追唔到咪唔放棄囉..

其實俾人拒絕果下都可以話放棄左一半!!

之後我地好似平時咁去左灣仔PizzaBar飲左兩杯,

大家都傾左好多野..我唔係唔想接受而係我覺得未係時間,

未ready好囉...飲完就返屋企!

事隔幾日..阿傑黎學校搵我,話同我lunch...

係我未推得切ge時侯..佢已經黎左~!但我約左佢....

之後我推又唔係一齊又唔係...我就叫阿傑返去先!!!

好對唔住阿傑.我都唔知點做好....sorry!

但最終佢地都撞到應...阿傑見到..我知你好嬲..

以為我同第二個...但我冇啊!

唉..搞到咁我都唔想....夜晚約返阿傑出黎去飲野,

同佢講返解釋返,又冇事lu..

唉...哩個情形實在太似當時我見到我男友同我朋友一齊果時,

明明就係有野做咩仲要呃我姐...搞到我都有d唔開心!!

不過我知道事情好快會過..

錯左就係錯左,冇 彎轉ga啦..我唔會原諒你!!!

2月14..我都冇情人..不過有好多好朋友陪!!

有阿林阿羊阿獲阿將,勁開心...最後阿傑都有黎~

大家都玩得好開心..沒有情人的情人節一樣可以快樂!