今日部電腦終於整好啦

唔使再用安全模式上網

好HAPPY........

講番尋日D野先

尋日番學嗰時

上完體育堂之後

返番課室

我飲緊水

D男同學係到玩D頭髪

整到有幾隻角

跟住我望過去見到佢個樣好搞笑

就噴水

不過就冇噴到人

淨係整濕咗自己對手

到咗放學嗰前幾分鐘

蔡老師同我地講佢同佢個仔尋日D野...

蔡老師尋日同佢一齊玩

玩吓玩吓

蔡老師個仔就打佢個肚

跟住蔡老師就話:「你整到我個肚好痛,快D同細佬講對唔住...」（蔡老師有咗!!!）

佢唔講

跟住蔡老師好嬲就講:「我今晚唔同你訓!!!」

個BB就話:「哼!!!我今晚同爸爸訓!!!」

蔡老師唔知好嬲定好笑

跟住就帶佢入房,「山」埋門

話:「我睇你點同爸爸訓!!!!」

「做咩要打細佬!!!」

跟住佢好驚係到抽泣好正經咁講:「我想細佬幸福...」

蔡老師聽完之後話:「等媽咪俾D幸福你...」

BB話:「唔使啦...」

聽完之後我地全班都大笑...