我今日都係查左一陣間字典！我仲溫左一陣間地理添！不過好心不在焉呀！

可能因為太眼訓啦！我溫到５點幾已經唔溫啦！頂唔順呀！

今日由於姑媽去左細咪媽度，咁表哥同姐姐又訓緊覺！我又懶得去打電叔話叫野食喎！

搞到我等到７點幾先食野！

同中中傾左一陣間ＭＳＮ呀！講Ｄ野幾好呀！我好多野都係即興諗出黎嫁！

比中中話我勁，話我漫無目的咁等將會出現既一個連我都唔知佢係邊個既人！

明係串我！但係我自己真係等緊一個生命中既單均昊！可能咁諗好傻！

但係我都會咁諗！因為我要有番少少童真！唔可以完全都係咁現實嫁嘛！

我而家都唔會再亂咁表白！因為我唔想再做主動嗰個！

我要等待心目中最愛我而我又愛佢既人，等佢做主動！

可能你地會覺得平時咁恐怖既我，點會講Ｄ咁既野！但係有時我都唔想做到咁恐怖！

但係我要保護我自己！唔可以比人串我！我唔知點解我會咁！

但係我細細個已經係咁！係我自己搞到我自己Ｄ性格變成咁！唉！算啦！

你地都係唔明嫁啦！我真正個人係點！要你地慢慢去發掘啦！

不過其實我都幾依賴人嫁！只係大家睇唔出啫！

今日講到呢度先！８８６！