番左呢份工都大半年啦...我都有D同意我媽說的一句話...

佢同人地講左句...以前我番工都係半途而廢...成日都彈呢樣個樣...

依家呢份...日日都要6點起身...都冇半句野講...

我都覺得我可以大半年都係6點起身幾威下...但其實我有唔開心冇同佢講咋...

依家廢事咩都同人講...又唔係D咩大件事...

番左咁耐最多野做就係4月之後...因為有個同事因為有病...

之後佢做開個D野就俾左我做...日日都係咁做...差唔多冇咩休息時間...

好累架有時都...但好彩...有其他同事可以幫我分擔下...都冇咁辛苦...

其實...我唔係好鐘病左個個同事...個陣我做第2樣野個陣...佢成日都話我呢樣個樣...

諷刺係...依家我居然要幫佢做佢個D野...

早排請左一個新人...原本都幾開心既...有人幫下手做野...

點知呢個人做野求其既程度你係諗唔到...又成日駁咀...

做野個陣就去左潛水...唔係就亂咁黎...工又唔係成日番...

仲要同我地講...我鐘意番就番...唔鐘意就唔番...

睇佢幾時俾人炒...咁既番工態度...

好啦...番左咁耐...我終於都有機會遞表轉公司...請唔請就唔知啦...

但都好多謝幫我手個D大佬...希望我有機會轉到啦...轉到我就有可能做成世...

打開打埋...尋日籃球比賽...我地係第一場好順利咁贏左20:34...

之後仲要打多2場先知出唔出到線...打完之後睇我地既對手打...

其中有一隊係平時打開既...都知佢地既實力...另一隊就唔知啦...

所以睇埋先走...第一節個陣...佢地打出左一個好難出現既比數...

佢地可以係一節十分鐘既賽事入面...打出01:01既賽果出黎...

真係好威...而係最後09:14....2隊得分率都好低...

咁睇法我地有可能出線啦...

一係唔打...一打就打左咁長篇大論...不過冇所謂啦...

因為我都唔知幾時會再打...依家就打住先啦...

有空先再打過啦...

                                                                                   [ 訪客留言(2) ] [ 編輯日誌 ] [ 分享至FACEBOOK ]

呢排真係除左番工就係係屋企訓教多...日日生活如是...

但為左搵食又有咩辦法呀...手停就口停...

鬼叫自己唔鐘意講書咩...咪搞到自己依家做到死...

雖然話呢份工唔係難做...但人工同學歷真係會成正比...

但呢d野都已經過晒去啦...我只好努力地去工作...

我要使我既生活除左工作都只係剩下工作...

其他野我真係唔係好想去諗...同埋係唔想去諗...

之前有人問過我做咩唔搵個女朋友...點解生活一定要2個人...

唔可以一個人架咩...有女朋友有咩咁好...

我真係唔係好明點解d人咁想拍拖...俾你想到個陣可能你又想自己一個...

點解做人會咁矛盾...做人就唔可以簡簡單單咁過一生架咩...

點解要將百般既問題加係自己身上...點解要攞苦黎辛...

犯賤既人類...

                                                                                   [ 訪客留言(2) ] [ 編輯日誌 ] [ 分享至FACEBOOK ]

乜都要重頭開始過...定係繼續做番過去所做既事...

尋晚2007年既最後一日...4點放工...係屋企坐左陣...

食埋個晚飯...就出左去搵人...得幾個人仔...係條街度蕩...

到左11點幾...諗住去飲個糖水...點知去左倒數...

都唔知個刻發生左d咩事...冇啦啦就去左倒數...

一完左就即刻閃人...去飲糖水...飲完就各自歸家...

一年又過去啦...回想番過去一年自己所做過既野...簡直不知所謂...

好明顯我係過去一年就係荒廢左...乜都冇去做...

學又番唔好...工又做唔好...人就更加唔得...

到左今時今日朋友都只係個3幾個...但呢個對我唔重要...

朋友多少只係表示你個人緣好與壞...我自問人緣差...

所以我唔介意我冇朋友...

                                                                                   [ 訪客留言(0) ] [ 編輯日誌 ] [ 分享至FACEBOOK ]