今日係我日記既第30篇...我之前打日記係冇聊...
而呢D冇聊既起因就係我冇野做...就係咁我打左30日...
其實佢係一個警惕...告介我係呢30日內做過D咩...
但依家...就開學...所以決定打後唔會再日日打日記...
因為只要有野做就唔會冇聊到打日記啦...同埋番學...
都唔應有時間去打日記...開左學...人忙左...時間少左...
如果搵埋兼職既話...就肯定唔會有時間...
加上如果我係打後日子打日記...就係話我個日有空...
而唔係冇聊...係有空日子裹打日記...人都會爽D...
打既都係一D實在既野...而唔係好係我呢D老吹既日記...
我唔打日記...又唔代表我真係好忙...因為我懶...唔想打...
但如果見到我冇打...唔係我唔想在打日記...而係我唔知有咩好打...
係打日記呢30日裹面...要記番自己一日所做既人係好難架...
好佩服個D可以把一日所發生既事...完完全全打晒出黎既人...
但有D人仲令人佩服...就係個D唔單止記得個日發生過咩事...
就連邊個講過D咩都一清二楚咁打晒出黎...個D人真係勁...
我自問冇呢個能耐...可以打晒一日所做既事出黎...
同埋呢30日內...要把每日做既野打晒落黎...而又唔可以同尋日一樣...
係好難既事...如果你生活係終日在家...不出門...但又要打日記...
係冇可以打得好架...因為日日都係屋企...見野少左...
寫既野自然冇人睇啦...所以打日記個日點都要有出過街先好打...
如果唔係...人地睇你日記...同你尋日或之前冇差...有咩好睇先...
加上打日記...如果你唔係用心去打...只係草草了事個D人...
打左不如唔好打...你咁打法...你個篇日記都係唔會好睇得去邊...
唔可以表達你個日所發生既事...咁又何用之有呢...
所以打日記一定要好好打佢...唔好草草了事...打埋D冇聊野...
或內容差不多既野...咁樣...你自己睇番都覺得個自己講緊咩...
做過咩...全冇頭緒...打左不如唔好打啦...
PS:俾心機打好D個日記啦...各位...可以俾人體驗下你既生活...
咁既日記先係好日記...
