今日係開學第二日,唔知點解...我之前番學覺得幾痛苦,但係今年唔同,我番到去,每一堂都好認真上堂,同d同學都算ok tim,雖然係純英文上堂,但係我發現我聽得明75%以上,基本上無太大問題,個個miss/sir都好nice,不過我張時間表仲未正式更新哂,而家有幾科都要加/減,講起張時間表就愁na...日日都天地堂,d時間唔咸唔淡咁,搞到我成日都唔得閒,我要番哂全部堂先知究竟係咪今段咁平安,he~都係努努力力！！

     今日發生左一件小插曲,令我心情唔多爽,於是就走左去國華諗住靜靜地自己一個打幾鋪機...咁岩又見到冇乜人,打算打一陣就走,點知有個人係咁挑我機...心情本身唔多爽..佢又係咁煩住我,佢除左一味出必之外...乜都唔識咁...想靜靜地打下機都唔得...結果我用2蚊打左成個鐘拳王...佢應該挑左我十幾鋪度na,打到我真係唔想打na..我就唔打na,打完機...算係發洩完,我突然諗通左d野,其實有d野真係唔洗太執著,當自己越黎越將基本原因遺忘果時,就會越黎越執著,我自己都差d唔記得左個基本目的...而家終於都放番開,自己都清醒左,無錯,我要時刻題醒自己先得~

     夜晚果時突然聲到雷聲,但係佢又連續響左幾分鐘又無雨,我仲以為係燒煙花tim...點知突然間就把把聲落,d雷聲好似煙花聲咁係咁響,d光又係到閃黎閃去,我都未見過d咁恐怖ge雷...好似下下都係附近咁...之後等佢停哂雨我先渣車番屋企,天氣報告話呢3日都係咁,希望唔好na...

     唔經唔覺又到左差唔多番學既日子,回望番上年,我的確見多左好多野,同時都成長左好多,有喜、有悲,而家連車都有na~都算係個有車階級na^^,有車之後成日周圍去,唔知點解好似忙左好多咁,可能係有左車之後,我自己安排d野多左na....考左車都有半年na~車人...都車唔少...黎緊又要考私家車牌lo,我好想快d考ar！因為我想渣下部波子啊！近百萬一架車...點都想渣下na,而家只係問啊十露借本田渣,唔知幾時可以同佢一齐渣車直上大陸呢~好期待啊！等我考到澳門牌之後我就會考埋大陸牌,咁第二時去d近近地ge trip都方便好多^^

    今年我成式落實左我ge目標,而且我d朋友都好支持我！我首先梗係要多謝你地先na^^,多得你地,我條路先順左好多~我預計順利的話3~4年就完成,呢個係長期計劃,仲有一個短期計劃就係想搵25萬先,呢筆錢當然有佢ge實際用途na^^所以今年應該會做2份工,今年應該會幾忙ar！

　而我ge好兄弟呢~今年就正式加入左交通警ge行列！本身有個高級可以調佢去做文職ge....不過佢又話鐘意做交警多d wor...我都知佢做文職會死ga na~佢自己鐘意渣住架車飛黎飛去,無所謂na~你開心我實撐你ga bor！雖然而家你有你ge圈,我有我ge圈,但係我地又唔會變~

    東哥佢地班野個個都喺北師南師果度大學畢哂業番黎na~入哂海星教書,因為~he^^有一個超高級人馬拉哂佢地入去ma^^東哥而家邊做野邊讀書,喺澳大讀緊碩士啊,見佢好似成日都好忙咁,但係佢d機呢...一d都冇退步到...仍然係高手,仲係電腦高手..對上一次同佢地班野去打機都係新年ge事na~佢地班野玩篤篤機..我可以收皮lo...個個都有專科..問乜都有專人解答..堅持一蚊打爆機..玩拳王就高手同高手打,完全睇唔出佢地係做老師ge,不過而家d新一代老師都係咁ge,番工果時就真係好認真,而且好有heart教學生,至於出黎玩果時就....he~行為服飾都與職業不乎...下年睇睇可唔可以再約埋見見馬高na,可以的話叫佢拎埋個女出黎見下~佢個女好似係...3歲?差唔多na~

                     另外我公起隊長正式成為注冊會計師！雖然你仲有一年先完成學士學位,但係而家係正式會計師,你要加油考埋個核數師牌啊~祝你下半個學期工作順利,快d升職！

       呢一年都識到唔少人,都算半隻腳投入左社會na,暑期又就快完na,開學後又係新ge開始,要更加努力！！